بوابة الدولة
السبت 21 نوفمبر 2026 09:31 مـ 10 جمادى آخر 1448 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
محمد طرابيه يكتب : خطر يهدد الوعي.. فوضى البودكاست على السوشيال ميديا السيد البدوي يدلي بصوته في انتخابات المكتب التنفيذي لحزب الوفد ”كاف” يعلن تحقيق صافي أرباح بقيمة 31.2 مليون دولار وارتفاع إيراداته إلى 284 مليون دولار وزير الخارجية يستعرض رؤية مصر لتعزيز الأمن والتعاون في البحر الأحمر والقرن الإفريقي خلال منتدى أسوان اوقاف الشرقية:افتتاح مسجدين بالقرين ومركز الزقازيق بتكلفة 4,3مليون جنيه أول مصرية تحصد ميدالية للترايثلون.. وزير الرياضة يهنئ نور حسام ببرونزية العالم الدوري الإنجليزي.. عمر مرموش يشارك في فوز توتنهام هوتسبيرز على إبسويتش محافظ الشرقية نجاح الفرق الطبية فى تطعيم أكثر من مليون و500 ألف طفل محافظ الشرقية يتابع ورفع كفاءة طريق ديرب السوق صافور بتكلفة 40 مليون جنيهاً مصر والأردن تفتحان آفاقًا جديدة للتعاون في مجال النقل الجوي وتعزيز حركة الربط بين البلدين وزير الخارجية يؤكد دعم مصر للإصلاح المؤسسي وتعزيز الاستقلالية المالية للاتحاد الإفريقي هجوم بطائرتين مسيرتين يستهدف سفينة شحن روسية في خليج فنلندا

ملحن أغنية «كدابة» لـ حسام حبيب يرد على اتهامات اقتباسها: أنا مسروق

حسام حبيب
حسام حبيب

رد الملحن والموزع إسلام رفعت على اتهامات المنتج والموزع محمد شفيق حول اقتباس الأول مذهب أغنية "كذابة"، من أغنية قدمها مؤخرا مطرب صاعد يدعى محمود عز من إنتاج شفيق.

نشر إسلام رفعت فيديوهات يثبت بها أنه هو صاحب اللحن الأصلي لأغنية "كدابة" التي قدمها حسام حبيب مؤخرا، مشيرا إلى أنه تم سرقة موسيقاه

وعلق إسلام رفعت عبر حسابه الرسمي بموقع Facebook كاتباً .. انا مكنتش هرد .. بس مضطر أرد لأن اللي بيحصل دة قلة أدب و تطاول، لسه جايلي تليفون دلوقت من صديق ليا بيقول اني في حد كاتب بوست اني واخد لحن أغنية حسام حبيب من أغنية لمغني أنا أعرفه معرفة شخصية واشتغلت معاه بالفعل وعلاقتي بيه أنه مغني، وأنا ملحن وموزع يعني واضح مين اللي بيسمع من التاني".

وتابع إسلام رفعت: أولا مستحيل مستحيل مستحيل أنا اللي بقول إنه يكون توارد أفكار أو خواطر أو نغمات، أنا مسروق بالمللي وبالهارموني حتى، هو برافو عليه محاولة حلوة منه إنه ينط علي بروباجندا حسام حبيب ويحاول نجيب سيرته ويمكن تصيب معاه .. بس أنا هخليها تصيب معاه إنه يتشهر بأنه غير أمين ومعندوش ضمير نهائي.

وأضاف: كل الناس عارفيني كويس وعارفين شخصيتي إني عمري ما أعمل حاجه "بالخسة دي" او بالسذاجة دي!! إني آخد حاجه إبداعية في أكتر حاجه بحبها وهي الموسيقي من حد أو أقتبس جملة من هنا أو من هنا والحمد لله أعمالي كلها بتتكلم عني، الأغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبا وأنا لحنت الكلام وعملت شكل ليها وبعتناها لأكتر من مطرب من ضمنهم حسام وبالفعل كانت من نصيبة والأغنية جاهزة من فترة كبيرة جدا ولكن حسام اللي كان بيأخر.. و مرفق في البوست فيديو أنا مصورة بأيدي من الكمبيوتر بتاعي متوثق فية تاريخ الأغنية وصوتي في الديمو.

وتابع: الموزع شفيق كاتب إن أغنيتهم نازلة يوم ١٨/١، وحسام حبيب منزل خبر أغنية كدابة من يوم ٨/١ تقريبا ف اللي هو ازاي يعني وأي حد يقدر يعمل سيرش علي جوجل ويتأكد من صحة كلامي.

واختتم كاتبا: آخر حاجه عايز أقولها إني معايا كل ما يثبت إن اللحن بتاعي من مستندات وإني هتخذ كل الإجراءات القانونية مع أي حد جاب سيرتي أو اتكلم عليا بشكل مسئ وحاول ينط وعايز يتشهر