إيمي طلعت زكريا تكشف تفاصيل هجومها لإحدى صفحات السوشيال ميديا بسبب فيديو لوالدها
كشفت الفنانة إيمي طلعت زكريا تفاصيل هجومها لإحدى صفحات السوشيال ميديا بسبب فيديو للفنان الراحل طلعت زكريا بالذكاء الاصطناعي يكشف عن أسرار جديدة عن وفاته ويزعم بأنه مات مقتولا وذلك خلال استضافتها في برنامج "فيس أوف" على شاشة قناة "هي".
أوضحت إيمي طلعت زكريا حقيقة علاقة هذا الفيديو بالفنان عادل إمام قائلة: "لما شوفت الفيديو دا اتضايقت جدًا لأنه فيه كلام خطير جدًا وبيقولوا في الفيديو إنه مات مقتول وبيتهموا حد زميل له وطبعًا كان الإسقاط كله على الفنان عادل إمام وطبعا دا مينفعش، لكن اتبسطت من كومنتات الناس بيقولوا أنتوا ليه عايزين تطلعوا الفنانين كلهم مقتولة وفلان قتل فلان وانتوا صفحات تقرف".
وتابعت: "توجهت لمباحث الانترنت وقدمت بلاغ باسكرين شوت الصفحات وهما اهتموا جدا بالموضوع وماشية في الإجراءات، لكن للاسف انا مكنتش عايزة اقول لان في صفحات اخدت احتياطاتها ومسحت الفيديو".
وأضافت: "أبناء فنانين كتير برده بياخدوا إجراءات بسبب نفس الموضوع بدون ذكر أسماء عشان هما مش عايزين حد يعرف عشان الفيديوهات متتشالش، لأنهم شافوا فيديوهات بالذكاء الاصطناعي لأهاليهم بيتكلموا عن تفاصيل وحاجات مرعبة جدا، محامين كتير تابعوا الموضوع معايا لأن الموضوع دا بقى مش طبيعي وفي حملة مقصودة لتشويه الفن والفنانين في مصر".
