مرتضى منصور يتهم «رجب بحة» بالتسبب في هزيمة الزمالك أمام الأهلي.. والأخير يرد (فيديو)

اتهم مرتضى منصور، المعزول من رئاسة نادي الزمالك، أحد مواطني الفيوم الشهير باسم «رجب بحة»، بالتسبب في خسارة الفريق الأول لكرة القدم بالنادي، أمام الأهلي برباعية في الدوري المصري الممتاز.

وقال مرتضى منصور، خلال تصريحات تليفزيونية عبر قناة نادي الزمالك: «في واحد بعت لي صورة حد اسمه رجب بحة وهو ساحر من الفيوم اللي هي بالمناسبة بلد سيد عبد الحفيظ».

وتابع مرتضى: «اللي بيحصل مع الأهلي ده مش طبيعي، مش هقول منشطات، ولكن من بعد هزيمة صن داونز والفريق مش بيخسر ولا ماتش».

وواصل: «الأهلي امبارح كل ما يشوط كرة تيجي في الجول، والزمالك لما يشوط تخبط في العارضة، كان في شغل معمول على العارضة اليمين».

رد رجب بحة

ومن جانبه، رد «رجب بحة»، خلال فيديو متداول عبر مواقع التواصل الاجتماعي، على اتهام مرتضى منصور له بهزيمة الزمالك أمام الأهلي.

وقال رجب: «والله أنا مش ساحر ولا بعرف أعمل الحاجات دي، أنا راجل أمي، واللي بيعملوا السحر دول مشركين بالله».

وأضاف: «أنا عامل بناء على قد حالي، وتعالَ بنفسك شوف العيشة اللي احنا عايشينها».

واختتم: «حرام عليك لما تشوه سمعتي وسمعة عيالي، حرام عليك لما تتكلم عليَّ بالطريقة دي».

الحاج رجب بحة اللي نشر صورته مرتضى منصور وللأسف اتريقنا عليه .. انسان بسيط وجميل.. حقك علينا ياعم رجب pic.twitter.com/wB7SuaKLEs

— Abdullah Omar (@aomedia74) July 15, 2023

وكان الفريق الأول لكرة القدم بالنادي الأهلي نجح في تحقيق الفوز على حساب الزمالك بأربعة أهداف مقابل هدف، في المباراة التي جمعت الفريقين، ضمن منافسات الجولة الـ31 من الدوري المصري الممتاز.