بوابة الدولة
الجمعة 20 نوفمبر 2026 12:52 مـ 9 جمادى آخر 1448 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
استقرار سعر الدولار مقابل الجنيه اليوم الجمعة 20 نوفمبر 2026 في البنوك باكستان تؤكد دورها في إضعاف تنظيم ”القاعدة” الطماطم وصلت كام؟.. أسعار الخضراوات والفاكهة اليوم الجمعة 20 نوفمبر 2026 مساعد وزير الخارجية يلتقي بمستشار وزير الخارجية والتعاون الدولي السوداني أسعار السمك والجمبري اليوم الجمعة 20 نوفمبر 2026 ذكرى ميلاد برلنتي عبد الحميد.. اسمها الحقيقي وأبرز المحطات الفنية في مسيرتها مسلسلات رمضان 2027.. قصة مسلسل أبو الدهب لـ مصطفى شعبان ونيللي كريم اليوم طقس مائل للحرارة نهارا مائل للبرودة ليلا.. والعظمى بالقاهرة 29 الرحيل مؤجل لنهاية الموسم.. القناة يحسم موقفه من انتقال ثنائي الفريق إلى الأهلي وبيراميدز هل يعود إلى الأهلي؟.. ديانج يحسم موقفه من الرحيل عن فالنسيا في يناير حريق هائل داخل محطة وقود في الدقهلية.. وكردون أمني لتأمين المباني السكنية المجاورة أثناء عمله.. إصابة شاب بحروق من الدرجة الثالثة في انفجار أسطوانة بوتاجاز داخل مخبز بالشرقية

الرئيس السيسي: بنعمل حاجة في ظروف غير عادية.. والدولة مش أكل وشرب بس

الرئيس السيسى
الرئيس السيسى

قال الرئيس عبد الفتاح السيسي، إن الدولة قامت بإعادة ضبط أمور ميناء الإسكندرية بشكل جيد، موضحا: "لما كنا بنيجي نعيد ضبط الموضوعات في بلادنا كان منها ميناء الإسكندرية وممكن أتكلم عن ميناء دمياط كمان، إحنا ماكناش بنعمل ميناء في أرض فاضية ولكن ميناء أهدرت حدودها وضاعت معالمها".

ووجه الرئيس السيسي، سؤال لوزير النقل كامل الوزير، بافتتاح ميناء الإسكندرية: "أنت خدت كام شقة في بشاير الخير علشان تفضي إيه؟"، ليرد الوزير: "علشان أفضى منطقة بها 900 شقة في نجعي إسو والألومنيوم، وأنقلهم في بشاير الخير"، ليبادله الرئيس السيسي بسؤال آخر: "بكام؟"، ويجيب الوزير: "بمليار جنيه يا فندم"، ويسأله الرئيس مرة أخرى: "الكلام ده بيتعمل في العريش دلوقتي"، ليجيب الوزير: "أيوه يا فندم".

وأكمل الرئيس السيسي قائلا: "إحنا بدأنا نعمل حاجة مش في ظروف عادية خالص، وخاصة ميناء دمياط وحجم قضايا التحكيم اللي إحنا دخلنا فيها نتيجة أحداث 2011، طب أنا بقول كده ليه.. بقول للمستثمرين بصوا أنتو بتحطوا إيديكم في إيدين دولة بتكافح علشان تحط نفسها على خريطة الدنيا، الناس كانت بانية عمارة ومدرسة جوه الميناء".

وأردف: "أنا يهمني أقول التاريخ علشان تعرفوا إزاي.. لما رحت جرجوب أنا ماشفتش ده، ولما رحت برنيس ما اتعذبتش ولا صرفت أكتر من أن أعمل المنشأ نفسه، أصعب حاجة إنك تخش على مكان حصل فيه تشويه كبير جدا وبتواجد لناس وانت مضطر تمشيهم، لما تمشيهم ماتظلمهومش وتصرف كمان، علشان ميناء الإسكندرية يبقى بالمستوى ده ويكون درة مصر، إحنا بنتكلم في أرقام كبيرة جدا جدا علشان بس تسوية الموضوع، فيه تفاصيل كتير جدا جدا"

وتابع الرئيس: "أنا لما بكلمكم كده يا مصريين علشان تعرفوا يعني إيه دولة، والدولة مش أكل وشرب، الدولة حاجة تانية خالص غير اللي إحنا بنتكلم فيه علشان كده بكتر في الكلام".

موضوعات متعلقة