بوابة الدولة
الجمعة 20 نوفمبر 2026 05:46 مـ 9 جمادى آخر 1448 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
لتدعيم الهجوم مع صلاح.. طرابزون سبور يقترب من ضم نجم توتنهام محافظ الدقهلية: تطوير حديقة أحمد عرابي بميت غمر لتوفير متنفس ترفيهي |صور تعارف بهدف الزواج مقابل المال.. ضبط مدير تطبيق إلكتروني غير مرخص في القليوبية محمد رمضان يشوق جمهوره لمسلسل «عشماوي» بصورة جديدة من كواليس العمل لأول مرة في دراما رمضان 2027.. درة أمام كريم فهمي بمسلسل «اعتراف» بحثًا عن المشاهدات والأرباح.. ضبط صانعتي محتوى خادش في الدقهلية ذكرى ميلاد الفنانة برلنتي عبد الحميد .. اليوم مورينيو يعلن قائمة ريال مدريد لمباراة سيلتا فيجو في الدوري الإسباني.. موقف فينيسيوس ومبابي التنمية المحلية والبيئة تستعرض حصاد الأسبوع.. تحركات موسعة في COP31 ومشروعات للتنمية المستدامة |إنفوجراف 4 سيارات نقل كشفت المستور.. ضبط 7 متهمين لحجب 11 طن سولار في أسوان حقيقة فيديو الاعتداء على مدرس وتهديده ونجله بالقتل في دمنهور الجامعة العربية ترحب بعقوبات بريطانية وأسترالية على الأنشطة الاستيطانية الإسرائيلية

الشاعرة شيماء غريب تكتب .. هي الظروف

الشاعرة شيماء غريب
الشاعرة شيماء غريب

هي الظروف

لسه قادرة تنبتي رغم الظروف

لسه لونك ضيه فاتح وسط فراغ وضباب وخوف

لسه طلة وليكي هلة واقفة شابة تقولي أشوف

لسه حاسة بالسعادة وانتي شايفة أحزان ألوف

انتي ايه ما تفهميني؟!

يا كلمة غامضة مابين حروف

انتي بالنسبالي اسم في قايمة تايهة مابين كشوف

حلو لونك رغم إنه غيور تملي
بس غيرته محلياه ومخلياه أحلي لون فوق الرفوف

بصي جنبك واوعديني تصمدي ماتدمعيش وماتخافيش واوعديني تنبتي ما توقفيش
وأوصفيلي شايفة إيه وارسميلي رسمة حلوة بالكفوف

ساكتة ليه...؟!
خايفة ليه...؟!

مش كنتي لسه بتلمعي
مش كنتي من لحظات قادرة تعلي وتسطعي إيه جرالك
أوعي أسمعك تقولي اه منها الظروف

قويني يلا وجمعيني اديني روحك تسكن الروح جوه مني وبعدها امشي وسبيني ميهزنيش عيشة الكهوف

مبخافش برد ولا عواصف وفي الشدايد جلدي صوف

هقولك ايه وأحكيلك ايه دي ياما دقت علي الراس دفوف

غلوا البضايع وخزنوها هشوفلي أخ يقاسمني ماله يبقي الربيع وأنا إبن عوف

هيبنوا سد وتجف أرضي هزّمزم أنا وأجيبها لو كانت في جوف

معايا ربي منا دعيته وأنا بطوف

دي هتبقي عال منه الإجابة منا السؤال هو الرؤوف