بوابة الدولة
السبت 21 نوفمبر 2026 07:20 صـ 10 جمادى آخر 1448 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
محمود الشاذلى يكتب : نعـــم .. يتعين إخضاع كل شيىء بواقعنا لمراجعات دقيقه . سيراميكا يفوزعلى كهرباء الإسماعيلية ويتأهل لربع نهائي كأس مصر التعليم بالقاهرة تحتفي باليوم العالمي للطفل.. وتؤكد: اكتشاف المواهب ومناهضة التنمر أولوية تربوية القابضة للمياه: القطع الموفرة تخفض استهلاك المياه بنسبة تتراوح بين 40% و60% دون التأثير على ضغط المياه على هامش الاجتماع الإقليمي الثاني للجمعية المصرية لطب وزراعة كلى الأطفال ... طفل الـ12 عامًا يقود «توك توك» في شوارع أكتوبر.. وفيديو متداول يقوده إلى الأمن وزير المالية: مناخ الاستثمار في مصر أصبح أكثر تحفيزًا لنشاط ونمو القطاع الخاص ​وزير الطيران المدني يلتقي مسؤولي المنظمات الدولية «إياتا» و«يوروكنترول» لبحث آفاق التعاون الإستراتيجي موعد مباراة مصر وقطر في كأس العالم للناشئين.. الفراعنة يبحثون عن التعويض بعد خسارة اليونان حزب مصر القومي ينظم ندوة تثقيفية حول البروتوكول السياسي والتعامل مع القيادات وزير الخزانة الأمريكي: سنواصل تشديد الضغوط على الحرس الثوري الإيراني لدفعه نحو التوصل إلى اتفاق مهارات الإلقاء والتواصل المؤثر ضمن لقاءات توعوية بثقافة البحر الأحمر

الشاعرة شيماء غريب تكتب : هسألكوا سؤال

الشاعرة شيماء غريب
الشاعرة شيماء غريب

هو أنا لو قلت ياريت تستنيٰ هتستنيٰ؟!

محتاجة حقيقي إني أتمني

أفرحلي يومين حتي في خيالي وأتهني

محتاجة أرسم بستان لسعادتي وللجنة

محتاجة أتشاف وأبطل أخاف وألعب وأتنطط علي الرنة

محتاجة أطير وأمسك عصافير وألاقي النحلة بتندهني من غير ذنة

محتاجة أبات علي فرش حرير ويجيلي الأكل أشكال وألوان لحمة وطواجن وفطير وأقول ميرسي أنا ممتنة

نفسي في هوت شوكلت مش بارد وزبادي خلاط يطلع جامد وصنية كبيرة من الجلاش وبلاش سمنة

نفسي في شباك مالهوش ترباس وأشوف أطفال خدها يتباس
ويرفرف قلبي من الاحساس
وبصوت الحب أعزف نغمة

أنا نفسي أشوف الناس مرتاحة مبتدمعش ويموت الجاحد والطماع واللي ميشبعش ويعيش الحامد واللي تملي يصون النعمة

هو أنا لو قلت لها استني راح تستني

فاضل أيام وأنا لسه حقيقي أنا بتمني

نفسي الدكتور يبقي مدرس والدارس يكشف ويشخص ومحامي بيزرع وبيحرث والكل يبدل أداره لجل نحس بكل مهمة.

نفسي الأمراض كلها تُشفي وقلوب الناس كلها تصفي والحب يسود دايما بينا

نفسي الأوجاع ترحل لبعيد ونقضي الأسبوع كله في عيد والدنيا توزع بركتها ويزيح ربنا عنا الغمة

مش عايزة أشوف ساحر ولا سحّرة
ولا حُساد بلاش الغل بلاش الحقد فرقنا كتير بقي بينا بلاد خلونا حبايب والله ماتحلي إلا اللمة.

هو أنا لو قلت لها استني راح تستني

إحساس قُربها بيخوفني خايفة الأيام تيجي تقطفني ولاقيني دبلت وأحلامي لسه في مكانها بتتأني

2023 جايلنا أتمني تجيب كل أمالنا والكل يكون فرحان وسعيد والفرحة تحل محل الحزن والبركة كتار فتحوا أبوابكم للزوار 365 شايلين الخير بالقنطار ويارب ما ينقص منكم حد وتدوقوا طعم الضحكة بجد وتعود البسمة ويعود المجد ويديم علي العبد يديم علي العبد
أجمل نعمة

2023 عايزين الستر
لأنـه حقيقي أجمل نعمة

موضوعات متعلقة