الشاعرة شيماء غريب تكتب.. منايا أبوح
يا بيت الشعر ليه قافل بيبان السرد .. حاولت أكتب حاولت كتير حاولت بجد
أقول أفراح ألاقي الحزن ماله عد .. طب افتح بس وأنا أزرع حيطانك ورد
هقول موال وعندي سؤال عاوزله إجابه عاوز رد .. هقول عن بكرة وهرسم شجرة هبين فكرة مع أو ضد
يابيت الشعر عاجز ليه كلامي وقلبي تملي مليان صهد .. منايا أبوح ولو مجروح هتلقي معايا أجمل ود
قفلت الباب... يا ويل الشعرا باكر غد.. يا بيت الشعر هتكلم وهتسلم وتسمعني وتتألم وأنا بكتب عن أبو وشين واللي ياما خانوا العهد
كلام بكلام هغنيلك وهحكيلك وتضحك تبكي وأدعيلك وتفتح من تاني بابك لأحبابك يقولوا اللي بيوجعهم ويسعدهم روح اعمل حصر واعمل جرد هتلقي الكلمة دي بستان ولو حلوة تنام هيمان ولو وحشة تكون كالسد
بلاش حكر بلاش هكر وسيب الشعرا والأشعار يصولوا يجولوا ليل ونهار قوم افتح بابك المقفول
وقول أهلا بأهل الفكر والأفكار
يابيت الشعر والشعرا
يابيت المجد
.jpeg)
