ذكرى بيان 3 يوليو التاريخي.. «الحلقة 29 - الاختيار 3»… كواليس آخر لقاء بين وزير الدفاع ورئيس الجمهورية

تحتفل مصر العربية غدًا الأحد، بذكرى عزيزة على قلوبنا جميعا، الثالث من يوليو لعام 2013، يوما يبقى محفورا في القلب والذاكرة، يوم أن قام الرئيس عبد الفتاح السيسي والذي كان يشغل منصب وزير الدفاع حينها بتحرير الشعب المصري من قبضة الحكم الظلامي للجماعة الإرهابية.

ولأن الحلقة الـ 29 من مسلسل "الاختيار3" وثيقة تاريخية لأخطر ساعات مرت بها الدولة المصرية ابتداء من يوم ثورة 30 يونيو إلى يوم إعلان البيان التاريخي 3 يوليو، نتذكر معا أحداثها تباعا والتي بدأت بهذه التفاصيل.

كانت محاولات وزير الدفاع عبد الفتاح السيسي، بإقناع محمد مرسي في الاستجابة لمطالب المصريين قبل ساعات من إعلان عزله مستمرة ولا تتوقف.

وضمن لقاء جمع بينه وبين الرئيس محمد مرسي ورئيس الوزراء هشام قنديل في الحلقة، جاء نص الحوار كالآتي:

وزير الدفاع: أظن حضرتك ومساعدينك ومستشاريك بقى عندكم صورة واضحة عن كل اللي بيحصل في الشارع.. في حالة احتقان بتزيد كل ساعة.. الناس لها مطلب رئيسي، وهو إجراء انتخابات رئاسية مبكرة وكل دقيقة بنتأخر فيها عن التعامل مع مطلبهم ده، واللي واضح أن حضرتك مش موافق عليه بتعرض البلد لخطر شديد، اقتراحي أنا يافندم هو إعلان استفتاء شعبي على رئيس الجمهورية وبكدا يبقى بنزع فتيل الأزمة الموجودة في الشارع.

محمد مرسي: استفتاء شعبي إيه يا سيادة الفريق أنا رئيس مدني منتخب، والشرعية معايا، المعارضة لو مشعاجبهم يستنوا انتهاء مدتي ويرشحوا اللي يعجبهم أنا أكتر حاجة أقدر أقدمها للمعارضة تغيير وزاري موسع وتعديل في الدستور اللي مش عاجبهم رغم أن الشعب وافق عليه، وكمان نضمن لهم مقاعد في مجلس الشعب.

وزير الدفاع: فخامة الرئيس الملايين اللي مليين الشوارع بقالهم ٤٨ ساعة ما اسمهمش معارضة يا فندم.. دول اسمهم الشعب المصري، وكل شيء في حياتهم دلوقتي متوقف على قرار من سيادتك إما بالاستجابة لمطالبهم أو لا.. ساعتها الأمور هتخرج عن سيطرتنا كلنا.

يافندم أنا برجو حضرتك إنك تدرك إننا أمام لحظة استثنائية في تاريخ مصر لما أكتر من ٣٠ مليون ينزلوا الشارع ويطلبوا من رئيس الجمهورية الرحيل لا يمكن إنه يغمض عينه ويقفل ودانه، ويتصور أن الأمر هو بس في تغيير الحكومة، ربنا يعلم يا فندم إني طول الشهور اللي فاتت حاولت بكل طاقتي بمنتهى الإخلاص إني أنقل لحضرتك صورة واضحة لكل اللي بيحصل في الشارع ودا علشان مصلحة بلادنا.. مصلحة مصر اللي مينفعش أبدا إننا نتعامل مع إرادة شعبها ومطالبه بالطريقة دي..أنا كدا قولت اللي يرضي ضميري قدام ربنا سبحانه وتعالى.

وسبق ذلك محاولات أخرى متعددة لوزير الدفاع لإقناع مرسي بالاستجابة لمطالب الشعب، كان من بينها اقتراحه توسط ثلاثة أسماء مقربة من مرسي لإقناعه بالموافقة على استفتاء شعبي على رئاسته للدولة.

والثلاث أسماء كانت الدكتور هشام قنديل، الدكتور أحمد فهمي رئيس مجلس الشورى، والدكتور سليم العوا.