نصر محروس يطرح ”الناس الغاليين” لـ نبيل بتوقيع مصطفى شوقى ..

طرح المخرج والمنتج نصر محروس أغنية جديدة للمطرب نبيل بعنوان "النالس الغاليين"، تأليف نصر محروس، وألحان مصطفى شوقى، وتوزيع ساهر، وصوت هانى صليب، وتم تصويرها على طريقة الفيديو كليب، وتقول كلمات الأغنية:يا قلبي بلاش تطاوعهم تصدقهم يا قلبي حرام

وترجع تاني وتسامح وتتألم مع الأيام

عشان خاطري بقى إنساهم

حقيقي الناس بتتغير بتتبدل بسرعة قوام

مفيش ولا حاجة على حالها بتفضل كله يلا سلام

كفاية يومين وعيشناهم

آه يا خسارة أيوة ألف خسارة

أيامنا الحلوة راحت منا وإحنا مش حاسين

يا ليالي أيوة يا ليالي

راحوا فين حبايبنا اللي منا الناس الغاليين

مفيش ولا حاجة مستاهلة ولا سهلة تعيش مع ناس

بجد قلوبها مش سهلة ولا سالكة بيأذوا الناس

أتاري العيب طلع فينا

قالولي اللي بيعمل خير يلاقي الخير ده كله كلام

وأدينا عايشين بنتعلم ونتعلم من الأيام

نعيشها إزاي لوحدينا

كان نصر محروس قد طرح مؤخرا الأغنية العاشرة لـ بهاء سلطان، والتى تحمل عنوان "سماح سماح"، من ألبوم "سيجارة"، والأغنية من كلمات نصر محروس وألحان حسين محمود، وتوزيع أحمد أمين

وسبق أن أعلن المنتج والمخرج نصر محروس، الصلح بينه وبين بهاء سلطان ببرنامج الإعلامية والفنانة إسعاد يونس "صاحبة السعادة"، وقدم بهاء سلطان خلال الحلقة أغنيات من الألبوم، وهى: "ليالي طويلة"، و"أنا مش هندم"، و"أسيبك ليه"، و"عاملين الصح".

المشوار الفنى بين بهاء سلطان ونصر محروس بدأ فى عام 2000، بعد أن تعاقدت شركة "فرى ميوزك" مع الفنان، على أن تقوم الشركة التى يمتلكها "محروس"، بإنتاج وتوزيع الأعمال الفنية، وبالفعل قدم بهاء عددا من الألبومات الغنائية الناجحة أبرزها: "ياللى ماشي"، 3 دقايق، قوم أقف، كان زمان".

توقف التعاون بين الثنائى لمدة 5 سنوات تقريبًا، حتى أعلنا عن تعاقد جديد مدته 5 سنوات بدأ عام 2009، وتم الاتفاق بينهما على تقديم بهاء لـ 5 ألبومات غنائية بخلاف الأغنيات "السينجل"، وبالفعل قدم بهاء ألبوم "ومالنا".