عمرو أديب: ”بقالى سنتين مرعوب من الإصابة بكورونا ورب العرش نجانى”
علق الإعلامي عمرو أديب، على أهمية الحصول على لقاح كورونا، وقال: "يوم الثلاثاء قبل الماضي، وصلت الرياض، وكان عندي زيارة عمل، وأول ما وصلت الرياض، كلمت أصدقاء ليا في مصر، وقالوا لي أنهم إيجابي كورونا، وبعد وصولي، عملت اختبار كورونا، وطلعت إيجابي".
وقال أديب خلال برنامج "الحكاية" الذي يذاع على قناة "mbc مصر": "الدرس المستفاد، هو إنك لما تكون مُطعم، تاخد كورونا الخفيفة، تجيلك خفيفة، على فكرة أنا عندي كل الحاجات اللي تدخلني في مرحلة ما تزوقيني يا ماما، أنا معدي الـ 55 سنة، أنا عامل دعامة، وعندي سكر، وبقالي سنتين مرعوب من اللحظة دي، لأنها ممكن تجيلك تقيلة وصعبة، ولما جاتلي طبعا كان عندي أعراض كحة وزكام وآلام في الظهر".
وقال: "تقديري أنا إن اللي خلى ربنا يسترها إن أنا مُطعم، وواضح كمان إن المتحور الجديد بيطير، وجزء كبير من اللي بيحميك مش إنها تجيلك، بس إنها تجيلك خفيفة، والأمر المزعج في هذا الوباء، هو المجهول، هو أنت مش عارف هتصحى الصبح فيك إيه وعامل إزاي، وبقول للناس كان عندي كورونا وخفيت، رب العرش نجاني".
