على غزلان يودع والديه وغرفته فى منزل العائلة بصورة ورسالة مؤثرة قبل ليلة زفافه

وجه اليوتيوبر على غزلان، رسالة مؤثرة لوالديه، بعد زواجه من فرح شعبان، وقال فى تدوينته الموجهة لوالديه عبر حسابه الشخصى على موقع "فيس بوك"، "أمي وأبويا، هعيش طول عمري خدام تحت رجلكم، ربيتوني أحسن تربية ومبخلتوش عليا ولو حتي بالنصيحة، طلعتوني راجل أعتمد علي نفسي وأشيل المسئولية، شكراً لإيديكوا اللي ربتني واللي شالت هم كتير".

وقال على غزلان، فى رسالته التى نشرها مع صورة من يوم الخطوبة برفقة والديه وعروسه، "آخر ليلة في سريرى، رفوف دولابي بقت فاضية وهدومي اتنقلت لبيتي التاني، قفلت النور والكل نام .. بس أنا مش عارف أنام مشاعر مضروبة في الخلاط، فرح، خوف، مسئولية، رهبة، ارتباك، بكره هبدأ حياة جديدة مع اللي اختارها قلبي .. بس في اتنين مينفعش متكلمش عنهم، أمي وأبويا، هعيش طول عمري خدام تحت رجلكم ، ربيتوني أحسن تربيه ومبخلتوش عليا ولو حتي بالنصيحة.. طلعتوني راجل أعتمد علي نفسي وأشيل المسئولية، شكراً لإيديكوا اللي ربتني واللي شات هم كتير، شكراً اني وقت شدتي اتسندت عليكوا وكنتوا أقوي جبل، شكراً علي الرضا اللي علمتهولي وازاي تبقي عيني مليانه وجملة "الواحد لو كل كباب هيشبع ولو أكل لقمة بملح هيشبع برضه"، شكراً إنكوا خليتوني أرفع راسي لما بروح مكان بمجرد لما حد يعرف اني ابنكوا، بحبكم، مش هتوحشوني أوي، عشان انا ومراتي هنبقي عندكوا أكتر مانبقي قاعدين ف بيتنا".

ويشار إلى أن اليوتيوبر على غزلان، احتفل يوم 27 نوفمبر الماضى، بعقد قرانه على الفنانة الشابة فرح شعبان، ملكة جمال مصر عام 2017، وسط لفيف من الأهل والأصدقاء الذين حرصوا على مشاركتهم فرحتهم بهذه المناسبة.

وأثناء عقد القران بكت العروسة فرح شعبان، وسيطرت دموع الفرحة على المشهد، كما حضر عقد القران الفنان حمادة هلال، ومذيع الشارع أحمد رأفت، والمنشد مصطفى عاطف.