صانع محتوي العاب فري فاير ”محمد رمضان اعطانا الأمل مرة اخري”

في حوارنا مع احد صانعي محتوي الألعاب مو شلبي الشهير بـ " Mo Psycho Gamer " علي منصات بثوث الألعاب و مقيم حاليا بالولايات المتحدة الأمريكية .

اخبرنا عن مدي سعادته برؤية محمد رمضان في احد اشهر الألعاب في العالم وقال " انا شفت كريستيانو رونالدو فيها وبعد كده يجيبوا العالمي محمد رمضان " يبقي ده فخر لأي مصري وده دليل قد إيه هو شخص ناجه .

انا كا مصري فخور جدا بإبن بلدي محمد رمضان واتمني له النجاح الدائم لأن هو واجهة مشرفة لينا وفي أمريكا اغاني محمد رمضان مكسرة الدنيا حتي أصدقائي اللي مبيعرفوش كلمة عربي حافظين مافيا مافيا لمحمد رمضان .. هو شخص مؤثر وذكي جدا قدر يوصل لكل الناس حتي اللي مبيتكلمش لغته وصله بالموسيقي .

واخبرنا "بالنسبة للإنتقادات اللي بتتوجه لمحمد رمضان دول كارهين مئة بالمئة وكلنا عارفين اللي بيكره او اللي بيحقد بيكون ردود افعالهم عاملة ازاي .. محمد قبل اي شيء هو ممثل من الطراز الأول واتحدي أي شخص ينكر ده ومش عشان هو ناجح يبقي انا أحقد عليه رسالتي للحاقدين اتعلموا منه ازاي تنجحوا .

انا حاسس اني لسه هنجح اكتر واكتر ولما بشوف محمد رمضان بينجح ده بيديني حافز انا وكتير زيي بنحب الخير لأي حد ,اننا ننجح ونبقي زيه وكلمة " ثقة في الله نجاح " دي كلمة كبيرة جدا للي يفهم معناها وقبل اي خطوة باخدها بردد دايما في سري أن الثقة في الله نجاح هخاف من إيه انا بعد كده .

في الأخر بشكر بوابة الدولة الأخبارية وبشكر أهتمامها بمجتمع الألعاب ومحبينه وبشكر محمد رمضان الأسطورة الحقيقية فعلا علي الطاقة الإجابية اللي بيديها لينا وبتكون دافع اكبر لينا اننا ننجح وان مفيش مستحيل شكرا نمبر وان .