أحمد موسى: محدش يدي أمان لأي إخواني.. هيفضلوا يبحثوا دائما عن السلطة
قال الإعلامي أحمد موسى، إن جميع أدوار أمير كرارة في السنوات الماضية وفي مسلسل رأس الأفعى والاختيار كانت متميزة، مشيرا إلى أن مسلسل رأس الأفعى يعرض تفاصيل حقيقية عن أعمال جماعة الإخوان الإرهابية.
محمود عزت ومظاهرات التحرير
وتابع الإعلامي أحمد موسى، خلال تقديم برنامج على مسئوليتي المذاع على قناة صدى البلد، أن محمود عزت أثناء التظاهرات بميدان التحرير كان الأهم له أولاده.. مضيفا: كان بيقول لأولاده أمشوا متقعدوش في التحرير مش مهم أي حد تاني يموت.
وذكر: اللي نشرته في كتاب أسرار 100% حقيقي وهذا ما تم في المسلسل، وبالمناسبة اتقبض على محمد بديع بالنقاب.. الضابط اللي قبض على بديع قبض عليه بالنقاب، كان بيروح مرة واتنين يلاقي ستات في شقة مدينة نصر.. وبعدين وجدوا بديع بين المنقبات.. فهما كدا.
الإخوان وخيانة القيادات
وأردف: أعلم علم اليقين أنهم بيسلموا بعض وبيبلغوا عن بعض، وعادي جدا يبلغوا على بعض.. كل واحد فيهم عايز يحمي نفسه والمسلسل الآخر اللي عامل لإسرائيل وجع.. هو أصحاب الأرض .. اللي بيحكي عن حقائق في غزة.
وتابع: هل مسلسل صحاب الأرض عمل لقطة مش في غزة.. بل كل تفاصيله حقيقية من تدمير المستشفيات وعرقلة دخول المساعدات.. وبوجه التحية لكل أبطاله عاملين أداء رائع .. رأس الأفعى وأصحاب الأرض كل الناس عايشه تفاصيله.
وذكر: كان تنظيم سيد قطب في الستينات هدفه تفجير القناطر الخيرية لتقسيم مصر.. ومحمود عزت واحد منهم.. لازم نكون عارفين الحقائق.. محدش يدي أمان لأي إخواني على الإطلاق.. الإخوان هيفضلوا.. يبحثوا دائما عن السلطة، ولما بتعمل ضربة بتعملها بشكل واضع وعندهم مخاوف من تنفيذ الأحكام.. لازم مسألة الردع.
