آسر ياسين عن شخصيته فى اتنين غيرنا: الورق خطفنى من أول لحظة
نشرت قنوات الشركة المتحدة للخدمات الإعلامية، تصريحات من صناع مسلسل "اتنين غيرنا"، والتي كشفت عم كواليس العمل المقرر عرضه في السياق الرمضاني 2026، لينافس في الأعمال الدرامية الرومانسية الاجتماعية بقوة .
ومن جانبه كشف الفنان آسر ياسين عن شخصيته في مسلسل "اتنين غيرنا"، قائلاً :"دايمًا رهاني الحقيقي هو الاختلاف، والمرة دي في 'اتنين غيرنا' الورق خطفني من أول لحظة، دا غير الحالة الدرامية والروح اللي مختلفة تمامًا عن أي تجربة سابقة ليا، لأن معتقدتش إني قدمت دور رومانسي فيه دراما بالشكل ده قبل كده.
وأضاف آسر عن تفاصيل شخصيته:"بجسد شخصية حسن، وهو إنسان شايل جواه ألم نفسي كبير ومخاوف خلت علاقته بالحب معقدة وشبه مستحيلة.. بيفضل كدة لحد ما بيدخل حياته شخصية نور (دينا الشربيني)، اللي بتبدأ رحلة حقيقية في تغيير واقعه وبترجعه تاني لنسخته القديمة اللي على طبيعتها."
َوأضاف "ياسين":المسلسل بيقدم حالة عاطفية إنسانية ومميزة جدًا، وفيها تفاصيل هتلمس قلوب الناس.. أتمنى العمل يعجب الجمهور ويشوفوا فيه حاجة جديدة ومختلفة"
وتسجل النجمة دينا الشربيني حضورها في موسم دراما رمضان 2026، من خلال مسلسل «اتنين غيرنا» المكون من 15 حلقة، والذي يجمعها بالنجم آسر ياسين في تجربة رومانسية إنسانية تقوم على تشابك المشاعر وتقلبات الأقدار
وتقدم دينا الشربيني خلال أحداث العمل شخصية نور، وهي ممثلة مشهورة تعيش اضطرابا داخليا متصاعدا، بعدما تتداخل تفاصيل حياتها بين الماضي والحاضر، لتجد نفسها في صراع نفسي بين رغبتها في الاستقرار وخوفها من تكرار الألم.
مسلسل «اتنين غيرنا» من بطولة آسر ياسين ودينا الشربيني، ويشاركهما عدد من النجوم، وهو من إنتاج ميديا هب، وتأليف رنا أبو الريش، وإخراج خالد الحلفاوي.
