الرئيس السيسى: مش عاوزين نبطل نأخذ بالأسباب.. ولا بديل عن الوعى

أكد الرئيس عبد الفتاح السيسي، أن جميع مؤسسات الدولة مطالبة بالمشاركة في الوعي خاصة للأجيال الجديدة التي لم تعش خلال فترة أحداث ما بعد عام 2011، متابعا: "مش معني إن ربنا أنعم علينا والدنيا بفضل الله بخير.. نبطل ناخد بالأسباب في الإعلام والمساجد والجامعات.. موضوع الوعي ده لا ينتهي.. الشباب اللى كان موجود وعرف الدرس 2012.. بفضل الله تغلبنا على موجة الإرهاب.. أكثر من 10 سنوات ننزف من أبناء وبنات بلدنا.. ومن مستقبلها نتيجة اللى حصل.. ده لا يمكن السكوت عليه.. مؤسسات الدولة تستمر في توعية الناس".

وأضاف الرئيس السيسي، خلال كلمته في أكاديمية الشرطة الـ 74: "بكلم الأجيال الجديدة 15 – 17 سنة.. مش دول هيبقوا رجالة.. إحنا هنسيبهم.. والدينا زي ما انتوا شايفين.. اوعوا تكونوا متصورين إن الهدف من اللى بقولوا ده.. حماية نظام.. لا دي حماية دولة.. ده تمن رخيص قوي.. أن يكون الهدف أحمي نفسي.. لا والله العظيم.. يا رب لو أنا صادق يصل لكم صدقى".