شيرين عبد الوهاب ترد على شائعات اعتزالها: هفضل أغني لحد ما أموت
خرجت الفنانة شيرين عبد الوهاب، لتوضح حقيقة الأخبار المنتشرة على مواقع السوشيال ميديا حول اعتزالها الفن.
وقالت شيرين عبد الوهاب، في تسجيل صوتي منسوب لها انتشر عبر صفحات محبيها: "أهلا بيكوا يا حبايب قلبي أنا وصلني أن أنا بعتزل وأنا مودي مش حلو، أنا كويسة جدا وبحضر مفاجأت مختلفة وجديدة هتفرحوا بيها أوي هغنيلكم بس من أماكن مختلفة هفضل أغني لحد ما أموت مفيش اعتزال الاعتزال هو الموت".
وأضافت: "طول ما أنا عايشة أنا بغني وبحبكم وواصلي حبكم وأنا عايشة بيه وليه واطمنوا عليا أنا مش بستسلم أبدا أه في حاجات جامدة جدا بتحصلي من أقرب الناس ليا مش محاربات لا تكسير وقتل بس أنا جامدة وربنا معايا ومقويني".
وانتشرت شائعات مؤخرا حول اعتزال الفنانة شيرين عبد الوهاب الغناء تماما، وتوقف التحضير لألبومها الغنائي الجديد بعدما كانت قد بدأت في التجهيز له.
