طليقة عصام صاصا لمتابعيها: اللى هيتطاول هقدم فيه بلاغ
علقت جهاد أحمد، طليقة مطرب المهرجانات عصام صاصا، من خلال ستورى على حسابها بموقع إنستجرام على المنتقدين لها، قائلة: كمية مرض غير طبيعى، أنا منفصلة بقالى كتير على فكرة مش عشان امبارح كنت على صحابى وكل واحد فيهم معاه مراته أو خطيبته.
وأضافت طليقة عصام صاصا: أعلنت دلوقتى عشان فى ناس كتير بتسأل جوزك فين فقولت أريحكم خالص وأعرفكم إن هو مبقاش فى حياتى، ولا أنا موجودة فى حياته.
وأكملت طليقة عصام صاصا: مش عشان تاخدوا الموضوع ترند يا عالم يا مريضة بس يلا بينا قلة أدب بقلة أدب، واللى هيطلع يتعدى فى كلامه ويتطاول بالكلام فوق إن هو بيوصل الخبر أنا كمان هاخد كلامه وهروح أقدم بلاغات حتى لو هعمل ألف بلاغ فى يوم.
وكان مطرب المهرجانات عصام صاصا رد على بوست طليقته التى أعلنت من خلاله انفصالهما منذ قليل، وكتب عبر خاصية ستورى قائلا: حابب أتكلم فى نقطة بسيطة بس علشان بعض كلام الناس بيضايقنى، يعلم ربنا مشوفتش أى حاجة وحشة من الست دى، ومشوفتش منها غير كل خير وعمرها ما كانت غلطانة فى حقى، لا بالعكس، علشان بس محدش يظلمها وربنا يصلح حال الجميع ويسترها على كل الناس.
وأعلنت جهاد أحمد، زوجة مطرب المهرجانات عصام صاصا، انفصالها عنه، ونشرت ستورى عبر حسابها بموقع إنستجرام، وكتبت: الحمد لله على كل شيء، تم الانفصال بينى وبين أبو رحيم.
.jpeg)
