عمرو سلامة يشارك في فعاليات مهرجان القاهرة السينمائي الدولي

تحدّث المخرج عمرو سلامة، عن أسلوبه في التعامل مع الانتقادات التي يواجهها خلال مسيرته الفنية، مؤكدًا أنه يعتبرها جزءًا طبيعيًا من تجربة الفنان وتطوره.

جاء ذلك خلال الندوة التي يُشارك فيها حاليًا ضمن فعاليات مهرجان القاهرة السينمائي الدولي، المُقام تحت رئاسة الفنان الكبير حسين فهمي.

وقال عمرو سلامة: "التعامل مع الانتقادات صعب جدًا، وإحنا شايفين دلوقتي طبعًا مين اللي بيتعرض للهجوم، أنا وقعت تحت الانتقادات دي لمدة 15 سنة متواصلة، ولما تكون شغال في أي مجال، سواء في مكتب أو لاعب كرة أو غيره، لازم تهتم بصحتك النفسية.. ساعات بحس إني كويس، لكن الحقيقة إنّي ببقى عكس كده تمامًا. وأنا شفت نماذج انتحرت بسبب الانتقادات، والموضوع مش سهل أبدًا".

وتابع: "بقول لنفسي في الآخر؛ لما توصل لنقطة إنك بتتعامل مع جماهير، لازم تعرف إنك هتتعرض لده، وإن التعامل معاه مش سهل خالص. ولازم تلجأ لحد بروفشنال، وده اللي بعمله بقالي 5 سنين. بروح لشخص ما يعرفش عني أي حاجة، علشان أقدر أتكلم عن كل اللي جوايا بدون ضغط وده عن طريق برنامج".