أوس أوس: متفائل بالمنتخب وصلاح ينفع يمثل وبحب ”غريب فى بيتى” علشان الزمالك بيكسب
أكد الفنان محمد أسامة "أوس أوس"، أنه متفائل بمنتخب مصر وحسام حسن في كأس العالم بسبب تماسك اللاعبين وروحهم العالية، ومحمد صلاح دمه خفيف وينفع يمثل هو وتريزيجيه".
وقال أوس أوس، خلال حواره في الاستوديو التحليلى لقناة أون سبورت: "متفائل جدا بالمنتخب والتيم متماسك جدا والكل قلبه على بعض، وخصوصا إن معانا حسام حسن، فعندنا روح يعنى هنهاجم يعنى هنهاجم، الجمهور لو خسرنا مش هيزعل لو لعبنا بشكل قوى".
وأضاف أوس أوس: "صلاح ينفع يمثل ودمه خفيف جدا وتريزيجيه لأننا أتعاملنا معاهم كتير فعارفين إن دمهم خفيف، ومصطفى محمد ممكن يقعد أحمد العوضى في البيت لو دخل التمثي".
وتابع: "كل اللاعبين بيتواصلوا معانا فى عروض مسرح مصر والمسلسلات التي نشارك فيها وصلاح كان بينزل صور وهو بيتفرج على المسلسلات".
واختتم: "بحب أفلام الكرة جدا وخاصة فيلم غريب في بيتى لأن الزمالك كان بيكسب فيه وكسب 6 /0 ولسه بعاير زملائى بهذه النتيجة حتى الآن، ولو هعمل فيلم عن الكرة أحب أكون مدرب لأنى لو لاعب هفضل أجرى وأنا مش قادر فخلينى مدرب أفضل أزعق".
