نص أقوال ”طفل المرور” فى اتهامه بالاعتداء على الطالب يوسف بالمقطم
ننشر نص التحقيقات فى قضية اتهام طفل المرور و2 آخرين، باستعراض القوة والعنف وإصابة شاب أمام مدرسة بالمقطم.
بدأت التحقيقات مع المتهم "أحمد ابو المجد عبد الرحمن" 18 سنة، طالب، الشهير بطفل المرور وتم سؤاله بالاتى فأجاب:
س: ما قولك فيما هو منسوب إليك من أنك متهم بأحراز جواهر مخدرة وكان ذلك بقصد التعاطى وعلى النحو المبين بالأوراق؟.
ج: محصلش
س: ما قولك فيما هو منسوب إليك من أنك متهم واخرين باستعراض القوة والعنف نحو المجنى عليهم مستخدمين فى ذلك سلاح ابيض (عصا حديدية بقصد ترويعهم وتخويفهم بالحاق اذى معنوى ومادى بهم ولفرض سطوتكم عليهم مكدرين بذلك الامن والسكينة العامة وقد القى هذا الفعل الرعب فى نفس المجنى عليهم وعرض حياتهم وسلامتهم للخطر وعلى النحو المبين بالأوراق؟.
ج: محصلش
س: ما قولك فيما هو منسوب إليك من أنك متهم وآخرين بأحداث عمدًا مع سبق الإصرار بالمجنى عليهم الإصابات الموصوفة بالتقارير الطبية المرفقة والتى اعجزتهم عن اشغالهم الشخصية مدة تزيد عن عشرين يومًا وكان ذلك باستخدام سلاح أبيض (عصا حديدية فأحدثتم ما بهم من إصابات وعلى النحو المبين بالأوراق؟
ج أنا غلطان
س: ما قولك فيما هو منسوب اليك من أنك متهم بحيازة وأحراز سلاح ابيض (عصا) مما تستخدم فى الاعتداء فى الأشخاص دون مسوغ قانونى أو مبرر من الضرورة المهنية أو الحرفية وعلى النحو المبين بالأوراق؟
ج: أنا غلطان
س: ما الذى حدث إذا وما هى ظروف ضبطك وعرضك علينا؟
ج: اللى حصل أن أنا كنت من تلت أيام كنت قاعد مع صاحبى إبراهيم على كافية بنفطر جالى تليفون من واحد صاحبى اسمه / طونى قالى إن اخته / روزاليندا حد عاكسها وإنه ادخل عشان يشوف الموضوع والعيال ضربوه وأنه عايزنى أقابله قدام المدرسة بتاعت العيال فقلتله طب ابعتلى لوكيشن وأنا جايلك وبالفعل بعت لوكيشن وحدت صاحبى اللى كنت قاعد معاه واتحركنا بعربيته عالمكان وأول موصلنا قابلت طونى ركب معانا العربية وقالى امشى قدام شويه العيال واقفين قدام فمشينا بالعربية لحد موصلنا للعيال فشاورلنا عليهم فوقفنا بالعربية قدامهم وأنا نازل شفت عصايا فى شنطة العربية بتاعت إبراهيم فخدتها ونزلنا أنا وطونى وإبراهيم أنا لقيت طونى دخل يضرب فيهم فدخلت أنا كمان ضربتهم بالعصايا وكنت بلوش مش قاصد اعور حد ولقيت من غير مقصد العصايا جات فى وشى واحد منهم ووقع على الأرض فأول مشفت كدا أنا وطونى ركبنا العربية مع إبراهيم وجرينا وبعدها لقيت الموضوع انتشر ونزل عالفيس بوك فقلت أكيد هيدوره عليا الشرطة فقعدت اتنقل كل يوم فى حته شكل لحد مكلمت حد من صحابى قعدنى عند جده فى مدينة نصر ولقيت المباحث النهاردة جايا تخدنى من هناك.
س متى وأين حدث ذلك؟
ج الكلام ده حصل من حوالى تلت أيام مش فاكر امتى بالظبط حوالى الساعة / السابعة والنصف ص أمام مدرسة بالمقطم وأنا.
اتمسكت من بيت جد صاحبى فى مدينة نصر.
س ما سبب ومناسبه تواجدك بالزمان والمكان سالفى الذكر؟
ج أنا كنت قاعد مع / إبراهيم صاحبى وجالى تليفون من طونى صاحبى قالى فيه أنه اتخانق مع عيال علشان عاكسه اخته وأنه واقف عند المدرسة بتاعتهم وبيتسنجد بيا فخدت صاحبى / إبراهيم ورحتله.
س من كان برفقتك آنذاك؟
ج كان معايا إبراهيم وليد محمد وقابلت طونى شريف صاحبى قدام المدرسة محل الواقعة
س: ما هى علاقتك بكلًا من المتهمين المضبوطين فى تلك الواقعة؟
ج هما صحابي
.jpeg)
