الراجل بيتجوز تانى ليه؟.. خالد لطفى يوضح فى ”ست ستات”
استضاف برنامج "ست ستات" المذاع على قناة "DMC"، رجل الأعمال خالد لطفى، للحديث عن سبب إقبال بعض الرجال على الزواج للمرة الثانية.
وقال خالد لطفى: "الجوازة الأولى بتكون فى سن المراهقة وكل أصحابه بيبقى عايزين يجوزوا علشان يخلفوا ويكوّنوا أسرة، وبيبقى معندوش خبرة عن الحياة، ويا إما يستحمل الطرفان الحياة أو لا، أما الزواجة الثانية بتكون بعدها بسنين ويكون الطرفين أخدوا خبرة".
وأضاف خالد لطفى:"أن الخناقات بين الطرفين دايما بتكون عن المسؤولية، ودى الشماعة اللى بيتكلموا عليها لما بيتخانقوا مع بعض، كل واحد فيهم يقول للتانى دى مسؤوليتك، ولو الجوازة باظت فده مسؤولية الاتنين، والمفروض أنهم بيتفقوا أنهم هيجوزوا علشان يكونوا سعداء مع بعض".
وتقدم حلقات برنامج "ست ستات" على قناة "DMC"، كل من الإعلاميات سالى شاهين ونهى عبد العزيز وشريهان أبو الحسن وآية جمال الدين وجاسمين طه زكى وسناء منصور.
ويقدم البرنامج يوم السبت من كل أسبوع الإعلامية سالى شاهين ويوم الأحد الإعلامية نهى عبدالعزيز، فيما تقدم البرنامج يوم الاثنين الإعلامية شريهان أبو الحسن وفى يوم الثلاثاء الإعلامية آية جمال الدين، أما يوم الأربعاء فتقدم البرنامج الإعلامية جاسمين طه زكى ويوم الخميس الإعلامية سناء منصور، وفى يوم الجمعة تقدم المذيعات الست الحلقة ليتناقشن فى موضوع مهم من وجهة نظر كل واحدة منهن.
يسلط "ست ستات" الضوء على قضايا المرأة والمجتمع والأسرة، ويقدم العديد من الفقرات التى تخاطب وتهم الشارع المصرى، كما يسلط الضوء على مختلف القضايا التى تمس الأسرة، بالإضافة إلى محتوى متنوع يعكس الاهتمامات والتحديات التى تواجه المجتمع.
.jpeg)
