الطفلة هايدى تكشف لـ الستات” تفاصيل قصة التصدق بـ5 جنيهات

كشفت الطفلة هايدي محمد نسيم صاحبة ترند الـ "5 جنيه" عن الموقف الإنسانى الذى قامت به فى مساعدة رجل مسن وإعطاءه 5 جنيهات، قائلة:" كنت رايحة اشترى فطار وتبقى معايا 5 جنيه بس، ورحت اشترى شيبسى ولما شفت الراجل الغلبان رجعت الشيبسى واديته الخمسة".

وأضافت هايدى خلال مداخلة لبرنامج "الستات ميعرفوش يكدبوا" المذاع على قناة سى بى سى، "انا لما أديت الخمسة للراجل الغلبان كنت عارفة إن ماما مش هتزعقلى، وصاحب السوبر ماركت حاول يدينى الكيس وأنا رفضت".

وتابعت هايدى: "أنا مبسوطة بتكريم الدكتورة سحر السنباطى رئيس المجلس القومى للطفولة والأمومة، وقالتلى أنا مبسوطة منك وكرمتنى وادتنى حاجة حلوة عجبتنى".

من جانبه، قال محمد والد هايدى: "أنا عندى ورشة سمكرة سيارات، ولما مامتها قالتلى صاحب السوبر ماركت ناشر فيديو ليها اتخضيت، ولما شفته فرحت بيها جدا وقولتلها شاطرة يا هايدى لأنها متعودة على كده، ومكنتش متوقع الضجة دى".

وتابع الأب: "هى بتشوفنى بعمل الخير ومامتها وأخوها فبتقلدنا، أحنا تربينا على مساعدة الناس ولو بالكلمة الحلوة".