بوابة الدولة
الأربعاء 17 سبتمبر 2025 03:26 صـ 24 ربيع أول 1447 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
لجنة برئاسة نائب محافظ الدقهلية تتابع أعمال التصدى لحرق قش الأرز بالزراعات بدء تسكين القدامى بالمدينة الجامعية بالإسكندرية للعام الجديد اليوم مراسل ستوديو إكسترا: الاحتلال يستخدم ”روبوتات مفخخة” لتدمير أحياء كاملة بغزة عبدالحليم قنديل: التحالف الأمريكي الإسرائيلي ثابت.. والشعب الفلسطيني تُرك وحيدًا في الميدان قنديل: لا قانون دولي أمام أمريكا وإسرائيل.. والتاريخ لا يعترف إلا بمن يواجه الدم بالدم محافظ الدقهلية يمنح شهادة تقدير ومكافأة لمدير نظافة بالمنصورة لتفانيه بالعمل محافظ الدقهلية: مسابقة لاختيار أفضل معلم وطالب وطالبة وفصل ومدرسة ضبط أدوية مهربة داخل منشأة غير مرخصة يديرها منتحل صفة طبيب فى المنوفية التربية والتعليم بدمياط تنشر جدول حضور تدريجى للطلاب خلال الأسبوع الأول للدراسة وكيل وزارة الزراعة بالمنوفية: انتهينا من توزيع 49 ألف طن من الأسمدة المدعمة الكشف على 780 مواطنا فى قافلة طبية مجانية بأبو عطوة بالإسماعيلية وفاة اللواء خالد العزازى مستشار رئيس هيئة قناة السويس للإعلام والعلاقات العامة

المنتج محسن جابر لـ”كلم ربنا”: تعرضت لحادث مروع عضمى اتفتت وشالونى فى ملاية

المنتج محسن جابر لـ«كلم ربنا»
المنتج محسن جابر لـ«كلم ربنا»

قال محسن جابر المنتج الفنى المعروف، أن الإنسان طالما يثق فيما يكتبه الله فهو بالتأكيد سيكون معه، ورغم مرورنا بمشكلات «ملهاش حل، إلا أننى بكون متأكد من تدخل ربنا وتغيير مسارها وحلها، من غير ما تقدر تتوقع إيه هيحصل، لأن ربنا مش بيحل الأزمات بطريقة 1+1= 2، لكن بطريقة فوق تصور الإنسان».

وأضاف «جابر»، فى حوار لبرنامج «كلم ربنا»، مع الكاتب الصحفى أحمد الخطيب، عبر «الراديو 9090»، أن فى حياته 3 مواقف أساسية أحدثت فارقا كبيراً، قائلا: «حسيت أن فى حاجة مع ربنا، فناجيته، لأن العزوة والمال والصحة مش بيقدموا حلول زى ربنا»، مشيراً إلى أنه «تعرض لحادث مروع وهو و3 أصدقاء كانوا فى طريقهم للتطوع فى الجيش، وفجأة دهستهم سيارة نقل عملاقة، وربنا كتبله النجاة بأعجوبة، الكاوتش قطع ودنى وتم تفتيت ايديا اليمين والشمال، وخلع رجلى من الحوض، وشالونى فى ملاية، اتنين من أصدقائى ماتوا وواحد ربنا نجاة، الوقت ده كان الطب على أده، فلبسونى بدلة جبس 6 شهور، ورغم أن فى ناس فى الحالة دى بتطلب الموت، لكن أنا كان إحساسى أن ربنا شالى حاجة تانية».

ولفت إلى أنه هذا الحادث غير مجرى حياته، لأنه خريج تجارة، وكان وقتها فى السنة النهائية، ولكنه عاونه على الدخول فى المجال الفنى، موضحا: «كل اللى بيزورنى فى المستشفى والبيت، كان يجبلى أسطوانة أغانى، ولأنى من طنطا كانت الأسطوانات تيجى من القاهرة، ففكرت إنى أجيب أسطوانات وأبعها، وكانت البداية، إلى أن أصبحت الوكيل الوحيد لكل شركات إنتاج الأسطوانات خلال سنتين».

وأضاف: «فى محنة المرض، كنت بقول لربنا: مستقبلى راح، يا رب أنا هعمل إيه؟ لأنى مكنتش عارف هقوم تانى وأمشى على رجلى ولا لأ، ولا على كرسى بعجل، لأنه كان فى تفتيت فى ايديا ورجلى، فهكون إيه فى حياتى وزواجى ونجاحى، وفى لحظة ربنا يحل كل ده من جوة المحنة، فروح أمتحن فى الجامعة ونجحت بتقدير جيد، وكان لطفه كبير فى صحتى ورزقي».

وقال «جابر»: «أنا موعود بمحنة كل 25 سنة، لأنى كنت بحلم دائما انى بطلع فى أسانسير وطاير لدرجة إنه عدى فى السقف وطار فى السما بشكل متكرر، وبعدين أرضيته تتفتح وأنزل من الإرتفاع، وبعدها ارجع أطلع على السلم من تانى، فالحلم ده تحقق فى 2003، وأنا فى قمة نجاحى دخلت جوة شركة ما وكانوا بيكبروها وكنت فاكر انها هتبقى عالمية، لكن أتاريهم كانوا بيكبروا (الفرخة عشان يدبحوها)، وباعوا الشركة وأنا فيها، للمنافس بتاعى، وبعد ماكنت سيد موقفى أصبحت فرد جوة منظومة».

واستطرد المنتج الكبير: «خسرت تحويشة العمر، وهنا جات لحظة ربانية، أن الشريك اللى اشترى، فكر يشترينى يعنى بيموتنى، وشرطه إنى أغير المهنة، وقالى: (اشترى نصيبى أو اشترى نصيبك)، فقلت أنا شارى، مكنش معايا 10% من المبلغ، وهنا ناجيت ربنا: (أنا فى أزمة، ومحدش هيخرجنى منها غيرك، لأن المهلة 48 ساعة ومحتاج ملايين، وقلت يا رب أعمل إيه؟ فحسيت بتدخل ربانى جاى، فأقوم الصبح ألاقى فى مكتبى انطون شويرى ملك الإعلانات فى المنطقة العربية، وقتها كنت لسه عامل قناة مزيكا، ولقيته بيقولى أنا هاخد حق رعاية الإعلانات، فحكتله اللى حصل، وفى لحظتها كلمنى الشيخ وليد الإبراهيمى، وطلب يكلم انطوان وقاله: (اللى عايزه محسن اعمله)، وهو ده الحل الربانى، عشان بعد ساعة لقيت المبلغ المطلوب فى حسابى ملايين الدولارات ومخدش منى ورقة، وده تفسير الرؤيا، لأنى وقعت كالاسانسير ووقعت ونزلت وطلعت على السلم تانى».

وعن اقتراب مرور 25 سنة جديدة منذ 2003 حتى الآن، قال: «أنا الآن فى أقوى مشكلة بحياتى، لكن مش هحكيها ولكن حلها فى إيد ربنا وحده، ومتفائل أن ربنا هيحلها، وثقتى فى ربنا كبيرة جدا، واللى خلانى حى فى الحادثة ورعانى فى حياتى، هيتدخل فى الوقت المناسب بحل غير متوقع».

أسعار العملات

متوسط أسعار السوق بالجنيه المصرى16 سبتمبر 2025

العملة شراء بيع
دولار أمريكى 48.0577 48.1566
يورو 56.7177 56.8392
جنيه إسترلينى 65.5027 65.6567
فرنك سويسرى 60.7249 60.8575
100 ين يابانى 32.6723 32.7418
ريال سعودى 12.8123 12.8394
دينار كويتى 157.4888 157.8438
درهم اماراتى 13.0830 13.1117
اليوان الصينى 6.7539 6.7681

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5663 جنيه 5640 جنيه $118.64
سعر ذهب 22 5191 جنيه 5170 جنيه $108.75
سعر ذهب 21 4955 جنيه 4935 جنيه $103.81
سعر ذهب 18 4247 جنيه 4230 جنيه $88.98
سعر ذهب 14 3303 جنيه 3290 جنيه $69.20
سعر ذهب 12 2831 جنيه 2820 جنيه $59.32
سعر الأونصة 176135 جنيه 175424 جنيه $3690.00
الجنيه الذهب 39640 جنيه 39480 جنيه $830.45
الأونصة بالدولار 3690.00 دولار
سعر الذهب بمحلات الصاغة تختلف بين منطقة وأخرى