بوابة الدولة
الأحد 22 نوفمبر 2026 12:55 صـ 10 جمادى آخر 1448 هـ
رئيس مجلس الإدارة ورئيس التحريرصالح شلبي
مستشار التحريرمحمود نفادي
بوابة الدولة الاخبارية
في إطار الاستعدادات لتشغيل جهاز المعجل الخطي الأول من نوعه على مستوى الجمهورية اندلاع حريق في سيارة أمام كوبري الأربعين بمدينة أسيوط رئاسة مركز فاقوس تواصل جهودها الميدانية لتنظيم حركة التوك توك وضبط المخالفات صحة الشرقية نجاح مستشفى فاقوس فى إنقاذ طفلة ناقصة النمو شريف فتحي يتسلم الدرع الفخري للآثاريين العرب لعام 2026 الجيش اليمني: تنفيذ 816 عملية عسكرية خلال 24 ساعة ضد الحوثيين ومقتل وإصابة 149 من عناصر الجماعة وزير الشباب والرياضة ينعى شادي جميل الشريف المدير الفني للتايكوندو في الشمس لاتسيو يعزز صدارته للدوري الإيطالي بفوزه على ليتشي من استرداد الآثار إلى الذكاء الاصطناعي.. شريف فتحي يستعرض ملامح تطوير القطاع الأثري في مصر ألافيس يفوز على ديبورتيفو لاكورونيا 3-1 في الدوري الإسباني استغل تعثر بايرن.. دورتموند ينقض على صدارة الدوري الألماني بالفوز على مونشنجلادباخ «رجال طائرة الأهلي» يفوز على 6 أكتوبر في دوري السوبر

الاديبة والشاعرة شيماء غريب تكتب : سألونى أنا مين

الاديبة والشاعرة  شيماء غريب
الاديبة والشاعرة شيماء غريب

سألونى أنا مين ⁉️

سألونى أنا مين...⁉️.. قولت إجابتى هتكون واضحة لو حددتوا أيتها سنين...

عاوزين نفسي بتاعت امبارح... ولا بتاع بكرة..... ولا الاتنين....

عاوزين سيرتى وتاريخ دافي.... أنا مـ الفراعين

إنسانة قوية علي ضعيفة.... حبر قلمها سطَّر أوراقها وهي في بطن الأم جنين

غاوية تتكلم وتعبر.... غاوية تناطح في البني أدمين..

إنسانة حادة تدوس خطوتها علي سطح متين.

فجأة تلاقها بتبكى وتضحك قلبها بيلين

اتربت صح علي قديمو.. يعني مأصل مش خلط هجين

في العقد الخامس من عمري.. بس اضحك بس تقول مُهرة في سن العشرين

لا بشيل للناس كره في قلبي.. ولا بعرف أنافق.. وأشوفك تدعي... أرد أمين

قالوا عنى ذكية في تفكيرها.. دمعتها تشيلها بمنديلها.. ودعولي أكون أنا مـ الصابرين

عن خط الرمش كتبوا قصايد مدحونى وقالوا عليها ننى.. نهر بيجري والخير فايض... ترمش بتصحى النايمين

إنسانة تبان مش مهمومة ضحكتها دايما مرسومة علي الميديا تكون نجمة وساطعة
بالليل سهرانة مع الساهرين..

الصبح يهل تقوم وتطل وتجافي النوم تبعت في ورود تكتب كام كلمة يفرح قلبها وسط الصحيين...

معجونة بمية عفاريت غاوية التعليم عـ الصحفيين

سلك التوصيل في دماغها بيسري علي توالي يعني تزعلها تطفي أنوارها القايدين


من حاجة بسيطة تفرحني. ببقي فراشة وسط الميادين..

سنين العمر مهزتنيش بالعكس بعيش لو يوم مات قلبى فهيبقي عشان كان فيه قاسين...

لو أحس فـ لحظة إنك مش باقي.. راح أسيبلك أنا من قلبي بواقي وراح أخد بعضى ولا يحسش حتى القاعدين


ما ترح ما بخط.... تفرشلي حصيرة ذوق ومحبة... وتهد يني حبة... من أهلا بيكي ونورتي... وكمان وحشانا... وتسمعني في قصايد شعر ودواوين...

مش عظمة يا سيدي ولا تكبر... بس اتراضى واتفرج بس ساعتها أنا مين

هتشوف الطيبة علي أصولها.. مبصومة الجدعنة في جبينها.. وهقدم سبت وحد وجمعة هباقلك جيش الأيوبي بأسوار حطين.

لو نفسك فعلا تعرفني... أتمني في قلبي تشرفني... وأسأل بس علي شارعنا
لا تلف شمال ولا تمشي يمين

أنا ساكنة حواري الصبر في شارع الجبر في بيت الحكمة الدور القاسي سهل العنوان وسط العناوين..

بس ابقي تعالي.. ❤ وساعتها أحكيلك عن إنسانة عاوزة لحكاويها سجل ومدني و الحبر بتاعه مبيجفش.. مولدة بتكتب علـ الجدران... أنا بـــــنـــت شـبــــــــين ????❤

موضوعات متعلقة