محمد سامي يستعيد بداياته الفنية موجهًا رسالة لتامر حسني
نشر المخرج محمد سامى صورة تجمعه بالمطرب تامر حسنى تعود لبداية عملهما سويًا بمسلسل "آدم"، ووجه له رسالة شكر وعرفان لوقوفه بجواره فى بداياته كمخرج، وذلك عبر منشور له على مواقع التواصل الاجتماعى.
وقال:"أنا قاعد إمبارح في التصوير افتكرت الرحلة والشقى والتعب من أول عمل لحد العمل اللي بصوره دلوقتي وافتكرت صعوبة الحصول على فرصة عشان الواحد يثبت نفسه ويحقق أحلامه، فطبعا افتكرت أخويا وصاحبي الجدع الطيب الخلوق اللي دعمني من أول لحظة وكان سببا في اللي أنا فيه دلوقتي".
أضاف: "تامر قدملي كل الدعم والحب والإمكانيات اللي خلتني أثبت نفسي وبالذات في وقت كان صعب الشباب يأخد في الدرامة فرصة بحجم مسلسل آدم، فاكر إن الكل كان رافضا إني آخد الفرصة دي ومستكترينها عليا إلا هو وقف في ظهري كأنه بيحارب لأخوه وبصلي مرة والظروف كلها ضدي وكنت حاسسا وأنا بحضر إنهم هيجيبو حد غيري وقاللي ده مسلسلك وهتعمله وهتنجح وهتنجحنا معاك، حتى طريقته المتواضعة وهو بيقوللي مسلسلك كأني عامل تسع مسلسلات قبله تحسس الواحد بنفسه وأهميته".
وواصل:"أشهد أمام الله إنك طول عمرك متواضع ومؤدب وتطلب الحاجة باحترام، ومع الكرو محترم وعشان كده كلنا روحنا فيك، بحبك يا صاحبي وتستاهل كل حاجة حلوة يا أجمل قلب، ويا رب يرزق كل الناس اللي بساعدهم على تحقيق أحلامهم زي ما رزقني بتامر حسني".
