الاعلاميةتقى نور الدين تكتب -------- صباح الخير
في كل موقف بنمر بيه في حياتنا وفي علاقتنا بربنا ،في شغلنا في علاقاتنا ببعض بيبان فيها الإخلاص في الكلمة والوعد والعمل و العهد ، وفي إتقانك لكل شئ بتعمله بيفرق لو عملته بإخلاص وإتقان وضمير ، بنحتاج للوفاء بعهودنا والإخلاص لبعض في علاقاتنا ،
وبيفرق أوووي لما تحس إنك بتعامل الناس بإخلاص وتفرح جدا لما تلاقيهم هما كمان بيعاملوك بالوفاء في غيابك أو في حضورك ، واللي قطع على نفسه عهد ووعد يحب دايما يوفي بيه مهما كلفه من وقت ومجهود ، وناس بتخلصلك من غير ما تنتظر منك شئ ومن غير حتى ما تكون قطعت على نفسها عهد بالبقاء معك للنهاية ، بيخلصولك لأنهم يمكن في قاموسهم مافيش كلمة خيانة ،
والإخلاص في العلاقات من أسمى مراتب المعاملة الحسنة ، ومن أولى منا بالإخلاص في علاقتنا به غير الله عز وجل و علينا أن نراقب الله في كل قول وفعل ونخلص لله في كل كبيرة وصغيرة ، و الإخلاص فعل خفي لا رقيب له إلا الضمير المتيقظ.
