محمد رمضان لن يقدم جزء ثانى «لجعفر العمدة » في رمضان 2025

كشف الفنان محمد رمضان عن حقيقة تقديم جزء ثاني من مسلسل «جعفر العمدة» ضمن ماراثون دراما رمضان 2025 بعد تأجيل تحضير المشروع في دراما رمضان للعام الجاري

وأكد محمد رمضان أنه ضد فكرة تقديم جزء ثاني من أي عمل ناجح قائلا :«لو علشان جعفر العمدة نجح فأنا المفروض أعمل جزء تاني يبقى المفروض كل أعمالي اللي فاتت أعمل لها أجزاء تانية».

وتابع موضحا :«أنا ضد فكرة أن كل عمل ينجح نعمله جزء تاني لأن ده مش بيديني حافز.. أنا عايز أدخل في تحدي جديد وأعمل شخصية جديدة الجمهور يحبها ويتعاطف معاها ويتأثر بيها».

وعن أسباب غيابه عن دراما رمضان 2024 أوضح محمد رمضان في لقائه مع برنامج «سينماتك» أن سبب غيابه هو انشغاله بتصوير فيلمه الجديد «أسد أسود» قائلا :«غيابي عن دراما رمضان ليس كما أذاع البعض بأني غبت عن المشاركة علشان يشتاق لي الجمهور لكن بالعكس فأنا عمري ما بعدت عن الجمهور».

واختتم حديثه قائلا :«ولكن لم أشارك في المنافسة الرمضانية عشان أتفرغ لفيلمي الجديد أسد أسود لأنه فيلم صعب ومش حابب أقدم للجمهور أي حاجة.. فتفرغت ليه تماما عشان يكون عندي الوقت والطاقة الكافية لتقديم عمل يليق بجمهوري».