فرحين فى يوم واحد....نجل محمد فؤاد وابن بهاء الدين محمد بحضور نجوم الفن
احتفل الفنان محمد فؤاد بعقد قران نجله عبد الرحمن، بحضور عدد من الأهل والأقارب والفنان مصطفى قمر ومصطفى كامل ووليد سعد وخالد عجاج ودنيا عبد العزيز وزوجها ومحمد لطفى، وظهر محمد فؤاد وهو فاقد للوزن بشكل كبير وسط فرحته بعقد قران نجله، فيما احتفل أيضا الشاعر الكبير بهاء الدين محمد بعقد قران نجله بجاد بهاء الدين محمد.
واحتفل بهاء الدين محمد بعقد قران نجله، وهو الشاعر الكبير الذي كان تراجع عن قرار اعتزاله، حيث كتب بهاء الدين محمد على صفحته على "فيس بوك": "مهما توقعت أو حسيت أو تخيلت مش حاعرف أوصف إحساسى بكلام يرد بكل احترام على رد فعلكم وفعل زمايلى الفنانين اللى رافضين قرار اعتزالى والتركيز فقط على تأملات فى نِعم الله".
وأضافت بهاء الدين محمد: "رد الفعل اللى رافض القرار خلانى أسكت وأفهم وأعرف وأشوف بصورة واضحة مدى الحب والتقدير اللى وصلنى من كل مكان وعرفت من خلاله إن ليا مكان ف قلوب من حقهم الرفض، ورد الفعل اللى رافض الاعتزال خلانى أتجاوز اللحظة اللى خليتنى أفكر فى القرار" .
وتابع: "كانت لحظة سخيفة اتجمعت فيها أحداث كتيرة مش حلوة ونفوس وقلوب كلها حقد وسواد وغباء فى الحياة الفنية والشخصية، وكم كبير من ضعف وطمع ناس مش ناس".
واستكمل: "وأنا مهما قابلت أى هجوم قذر بس حست إنى محتاج هدوء، وحسيت فى لحظة إنى محتاج أعيش لنفسى ومع نفسى بعيد عن أى ظروف تجبرنى على الاحتكاك أو معاملة المرفوضة دين وحياة وأخلاق.. وأنا مش سهل أوصف ناس بالشكل ده ".
بهاء الدين محمد تخرج في كلية الفنون الجميلة ، وتعاون خلال مشواره الفني مع كبار المطربين والمطربات المصريين والعرب من أبرزهم: (عمرو دياب، سميرة سعيد، أصالة، إيهاب توفيق، أنغام، راغب علامة، وغيرهم).
