رسائل حب واحترام بين تامر حسنى و ثراء جبيل بعد فيديو كليب ”موحشتكيش”
طرح النجم تامر حسنى فيديو كليب أحدث أغانيه التى تحمل اسم "موحشتكيش" من ألبوم "هرمون السعادة"، وهى من كلمات أمير طعيمة، ألحان وتوزيع أحمد إبراهيم، ماستر على فتح الله، وشاركته فى الفيديو الكليب الفنانة ثراء جبيل .
وبعد طرح الفيديو كليب كتبت ثراء جبيل : "أخيراً الكليب نزل أنا سعيدة جداً لاختيارى إنى أكون جزءا من كليب للفنان اللى بحبه أوى وبحب أغانيه وبيضحكنى من قلبى استمتعت بكل لحظة فى الأغنية.. شكراً ليك يا تامر على اهتمامك وإحساسك بكل تفصيلة عشان كل اللى حواليك يطلعوا بالصورة الراقية دى".
ورد تامر حسنى على ثراء جبيل قائلا: "يا ثراء والله أنا اللى فخور بأدائك الرائع مبسوط بأدائك من قلبى الفنان اللى بتحبيه من وإنتى صغيرة والمخرج اللى وقفتى تمثلى قدامه ما شاء الله كل الناس حاسة إحساسك الجميل، اختيارى ليكى كان فى محله ، فعلاً تستحقي كل الخير و النجاح و أنا شايفك قريب جداً في مكانه كبيرة اوي اوي بإذن الله".
وتقول كلمات الأغنية: "شكل المكان زي ما كان متغيرتش حاجات كتير شايف بعيني ذكريات من قلبي حبيتها بضمير.. أجمل سنين أنا عيشتها كانت هنا كل اللي ناقص في المكان إنتي وأنا وتفاصيل كتير مش ممكن أحسها من غيرك.. معقول أكون موحشتكيش !!؟ من يوم بعادنا مش بعيش رغم الفُراق مفارقتنيش بعدك خالص واقفه الحياه من بعد حضنك حضني مات.. وكلامي يشبه للسكات فاضلي منك ذكريات.. ذكريات.. آه واللي فاضلي مني آه بيلف صوتك في المكان.. لسه صورنا على الرفوف وكلام كتبته من زمان.. وضحكتك بين الحروف".
