مروة عبد المنعم تكشف سبب اعتراضها على ارتداء ابنتها الحجاب
كشفت الفنانة مروة عبد المنعم عن سبب اعتراضها على ارتداء ابنتها للحجاب.
وقالت مروة عبد المنعم خلال لقائها في برنامج "البيه والهانم" عبر قناة "القاهرة والناس": "اتفاجئت بقرار "حور" بنتي هي بقالها قبل ما تاخد قرار الحجاب تقف قدام المرايا وتلبس الحجاب وتسألني عن رأيي وأقولها لطيف، بالنسبة لي كانت بتلعب فجأة قررت أنها تلبس الحجاب، اعترضت طبعا لأني عارفة دماغ بنتي لأنها أبعد ما تكون أنها تكون محجبة عاوزاها تتحجب في وقت يكون عندها القناعة".
وتابعت: "حور بتحب الحياة وعايزة تلبس وتعيش وكنت اتخانق معاها وأقولها دا لبس قصير أو لأ دا غلط فجأة قررت والحجاب قرار صعب، أنا احترمت قرار بنتي ومعنديش أي مشكلة وبشجعها أنها تفضل محجبة، لكن أنا عارفة بنتي وعارفة إنها متقلبه المزاج لكن أنا مقتنعه إنها لازم تعيش التجربة".
فيلم "أسرة في بعضينا"
على جانب آخر، تشارك مروة عبد المنعم في فيلم "أسرة في بعضينا" مع هشام إسماعيل، إبرام سمير، سارة درزاوي، ندى بسيوني، ميسرة، رضا ادريس، احمد السلكاوي، وائل علي، إنتاج ديسكفري فور سينما للمنتج أحمد رزق، تأليف أحمد عيسى، ومن إخراج مينا سويحة.
مسلسل «وبقينا اتنين»
وفي سياق آخر، تُشارك الفنانة مروة عبدالمنعم، في مسلسل «وبقينا اتنين»، بطولة الفنان شريف منير، والفنانة رانيا يوسف، ومن تأليف أماني التونسي وإخراج طارق رفعت، الذي يُجرى تصويره حاليًا، تمهيدًا لعرضه اعتبارًا من يوم 2 ديسمبر المقبل.
وتدور أحداث مسلسل «وبقينا اتنين» حول العلاقات الأسرية والزواج، ويتطرق إلى صدمة ما بعد الطلاق، وما يتعرض له شركاء الحياة بعد الانفصال من صدمات ومراحل نفسية ومواقف اجتماعية وحياتية تؤثر عليهم.
وأستكلمت: "أنا مقتنعه جدا بالحجاب وربنا اللي عالم أنا ليه مش محجبة ودا حساب بيني وبين ربنا وفخورة ببنتي أنها لبست الحجاب وأتمنى ربنا يثبتها على الحجاب وسعيدة بقرارها لكن لو جات فترة وقررت أنها تقلع الحجاب أنا مش هقف ضدها".
