وفاة خالة أحمد مكي.. وشقيقته إيناس تنعيها: الوداع يا حبيبة

أعلنت إيناس مكي، شقيقة الفنان أحمد مكي، وفاة خالتهما صباح اليوم.

ونشرت إيناس مكي فيديو لها، مع خالتها عبر حسابها الشخصي بموقع التواصل الاجتماعي فيسبوك، قالت فيه: "الوداع خالتي الحبيبة.. خالتو حنان.. الله يرحمها ويحسن إليها ويدخلها فسيح جناته ويحتسب مرضها وتعبها في ميزان حسناتها يارب العالمين".

في سياق اخر، كشفت إيناس مكي عن تفاصيل علاقتها بشقيقها الفنان أحمد مكي.

وقالت خلال لقائها ببرنامج المنسي عبر قناة هي:“ياخوانا ارحمونا .. أنا مدركة إن في حاجة اسمها ضريبة الشهرة لأن أنا بنت المهنة من ٢٦ سنة فطبيعي إن انتي لو اسم مشهور وأخوكي نجم ميجا ستار لازم الناس هتفضل تهري وتحكي وترغي في نفس الكلام .. طلعونا متخانقين .. طلعونا واخدين قرار إنتا منشتغلش تاني مع بعض.. طلعونا إن في بينا مشادة لا ده ضهري وسندي ورجلي في الدنيا”.

وأضافت: “لدرجة إن هما قالوا إنتوا مفيش صور بينكوا .. وصلت إن أنا في برنامج قالولي ليه مبتقوليش لأحمد يشغلك معاه .. قولتلها أنا ليه أطلب من أحمد يشغلني أنا إيناس مكي وهو لو محتاجني هيطلبني وهو عمره ما هيجي يشاورلي على دور إلا لو هو عارف إننا هنعمل بيه “بوووم” وممكن يكون شايف إن في مليون حاجة بس يقول لا إيناس تستاهل أحسن من كده مجبهاش تكرر أدوار”.