صرخة من سكان مدينة الفردوس بمدينة ٦ اكتوبر الي رئيس الوزراء ووزير الإسكان
تلقت بوابة الدولة الاخبارية استغاثة من سكان مدينة الفردوس بمدينة ٦ اكتوبر والاهمال الشديد واضرار الأهالي مطالبين بمحاسبة رئيس جهاز حدائق اكتوبر علي الإهمال المتعمد واذهاق أرواح امهاتنا وبناتنا وأخواتنا أثناء عبور طريق الواحات لدخول الفردوس ... كل يوم بنشوف قتيل واتنين وتلاته في يوم واحد كل ذنبهم أنهم ساكنين في مدينه كل القائمين عليها مايعرفوش حاجه اسمها الرحمه سواء كان رئيس الجهاز محمد مصطفي والنائب بتاعه محمد عبد الله الشهير بعاشق الازالات اللي مابنشفهومش غير في حملات الهدم والتخريب والتكسير والتشريد او القائمين علي صندوق ص اللي كل همهم اختراع اى طرق لاستخراج الأموال من جيوب سكان المدينه انما أرواح الناس اللي كل يوم بتزهق علي الطريق أمام الفردوس لا تعنيهم بأي شئ ... كوبرى المشاه اللي قدام المدينه بقاله 4 سنوات بيشتغلو فيه بمنتهي السبهلله تقريبا لو كانو مشغلين عامل واحد لإنشاء الكوبرى كان زمانه خلص من زمان ... لكنك علي النقيد حتلاقيهم متجمعين بربطة المعلم ومتعاونين مع بعض ونازلين بكل معداتهم وعتادهم ورجالتهم لهدم مصدر رزق لشخص او الاستحواذ علي محتويات نشاط تجارى أو بناء محلات مخالفه ويأجروها ب80 ألف في الشهر ....
وسوف نحاسبهم بتهمه القتل مع سبق الاصرار علي كل فقيد علي الطريق أثناء العبور للدخول أو الخروج من الفردوس تاركا خلفه أم مفجوعه وأب مكسور وأطفال يتامي و قصص واحلام وذكريات ومسئوليات ..
تم إعداد شكوي لتقديمها خلال أيام للنيابة الإدارية ولرئاسة الجمهورية وعلي من يهمه الامر
لعل الله أن يجعلنا سبب لوقف هذا نزيف الدم أمام بوابات الفردوس .
ومن أحياها فكأنما أحيا الناس جميعاً ..
