ريم البارودي توجه رسالة لـ إيناس عز الدين بعد إصابتها بفيروس كورونا
محمد الداوي
نشرت الفنانة ريم البارودى عبر حسابها الشخصى بموقع التواصل الاجتماعى للفيديوهات والصور "إنستجرام" صورة للمطربة إيناس عز الدين, بعد إعلانها إصابتها بفيروس كورونا وإقامتها داخل مستشفى الحميات.
وعلقت ريم البارودي على الصورة قائلة : قل لن يصيبنا إلا ما كتب الله لنا 🙌🏻🙌🏻صاحبة الصوت والقلب والابتسامة الجميلة إيناس عز الدين برج الميزان اللي مهما بيقع بيحاول ويقاوم ويعافر لحد مابيقوم بحب الناس ودعواتهم والطاقه الإيجابية هتعدي وانتي أقوى من الوباء اللعين ده فيروس 🦠 وحتقومي بألف سلامة وزي ماوعدتني أنا ورانيا تعملنا صنية بطاطس😋❤️❤️❤️❤️❤️
وقالت إيناس عز الدين، من داخل سيارة الإسعاف: "انا في عربية الاسعاف وطالعة على حميات إمبابة علشان الناس اللي فاكرين المرض فيه دعاية و استهزاء أو هزار ومع ذلك مش بتمنى أنهم يدوقوه علشان يتعلموا يحترموه ..علشان اللي بيعمل كده بيتهيأله كل الناس بتعمل زيه".
ونشرت لايف من خلال حسابها الرسمي على "فيسبوك" قبل وصول سيارة الإسعاف، وعلقت عليه قائلة: "ادعولي واشكركم على خوفكم وقلقكم أنا بحاول بقدر المستطاع أكون قوية ومتماسكة اصعب مشكلة بقابلها صعوبة التنفس وبلع ريقي".
اقرأ ايضًا:
مفاجأة .. الكلاب تكتشف المصابين بفيروس كورونا قبل ظهور أعراضه
السعودية تسجل 154 إصابة جديدة بفيروس كورونا
وتابعت: "لايف قصير وأنا في انتظار سيارة الإسعاف ومن كل قلبي بشكر دكتور خالد مجاهد المتحدث الرسمي لوزارة الصحة ووزارة الصحة على سرعة الاستجابة وما تقلقوش كله خير صدقوني مافيش حاجة واهدوا واطمئنوا اهم حاجة ما تنشروش الذُعر والخوف وخدوا احتياطاتكم واحذروا".
وتفاعل معها عدد كبير من جمهورها وجاءت أبرز التعليقات كالاتى :
ربنا يشفيها يارب يارب ربنا يقومها بالسلامه هى شكلها طيبة اوى 😍 ربنا يشفيها ويعفيها يارب