عايش ابيض واسود.. للشاعر إبراهيم خليفه
-
انا عايش ابيض واسود
في زمن كل مافيه الوان
جايز كنت اكون مبسوط
لو كنت وصلت حبة زمان
بس اعمل ايه حظي كدة
اوصل بعد ضياع الانسان
وبعد الغابة ماتبقي بيوت
وشجر التوت يطرح احزان
اسف جدا مش بمزاجي
اجي اعيش وقت التوهان
دوري اني انحت في الصخر
وينحت فيا هو كمان
اسند علي ناس بتوقعني
واصدق اني انا الغلطان
واكدب عيني ان شافت
وقلبي ينزف م الحرمان
واصدق لو يوم اسمعهم
حلفوا بطيبة قلب الثعبان