لوحة شرف...بقلم ..الشاعرإبراهيم خليفة
مستعدين نخش معاكي يا دنيا
في حرب
لو ناوية تتنفسي
لو عندك اساطير وهمية عندنا
اساطير
حقيقية وايقونتها المنسي
تاريخ مميز سابعة سابعة نال المراد
كان
مستعجل كأنه علي الجنة علي معاد
طرح الراوي سؤال علي طول الزمن
سابعة
سابعة ذكري الوفاه ولا الميلاد
الاسم منسي والفعل اسطورة
جالكم سينا بعين
منصورة
جالكم شايل كفنه وسلاحه
اصل عيون
الجيش مش مكسورة
حكاية منسي اللي مش منسي
منسي مخلف علي وحمزة
ونور عنيه بنته عاليه
قبل مايمشي سأله حمزة
الفرق بين مات واتقتل
والفرق بين خاين وبطل
بصله منسي ومسك ايده
اسمع اللي هاقولك عليه
انك تقف وتواجه عدوك
والبطولة انك تكسر عنيه
قطعته مراته جهزت شنتطك
واياك تنسي تلبس شدتك
اه وخلي ناحية القلب في الجيب الشمال الكتاب
وامانة تقولهم اسمك المنسي ومش خايف منكم يا كلاب
مسك منسي ورقة وقلم
وكتب يومها
بخط ايده
شكرا ليك يا عدوي فعلا
اتدني فرصة كبيرة جدا
خلتني ادخل ارض الفيروز
واصلي فيها بجد شكرا
مشي وراح مطلع تليفونه
كلم امه دمعت عيونه
قالها راجع دلوقتي شغلي
عايزه حاجة مني ياما
قالتله والله طول غيابك
بحس نور الدنيا ضلمة
منسي متعود يحارب بفكره
وصل كتيبته حضن عسكره
لف المدارس يطمن اطفالها
وجاب العدو من قلب وكره
كان بيصلي الجمعة بجنوده
وبعد الصلاه يلعبوا ماتش
ومتعود بعد اللعب يقولهم
اللي مات فدا الوطن مامتش
واللي عايش عيشة الفران
في حضن الجبال والله ماعش
صرخ الجندي خد لك ساتر
اسلحه
تقيلة ونسف سواتر
رد منسي جايلك يا رفاعي
جايلك من سينا شهيد وناصر
بسرعة بلغوا القيادة
إن الوحوش سدادة
نولني
يارب الشهادة
علي صوت المجرم
وقام
رادت عليه
بتحلم بشهادة اية
فوق سعادة
البيه
الليلة ليلة الإبادة
احنا
السيف المتين
واحنا الحق المبين
احنا حماة الدين
وانتوا دينكم البيادة
المنسي
رد وقاله
كتاب الله عقيدتنا
وسنة
محمد وحدتنا
والموت عشان العرض
اسمي
معاني العبادة
يا جاهل ربك ودينك
مفيش
دين نزل
ولا رسول امرنا
نبقي
عبيد وسادة
اتقلبت العتمة ظهر
والدم
اتحول نهر
المشهد ملوش وصف
ضرب
النار وقف
والفجر انسحب بليلته
دخل
الصبح وكشف
العلم واقف بـ هيبته
نزلت لوحة الشرف
سلاما
منسي ورجلته
وامانا تبلغ سلامنا
لكل شهيد
قبلته
وتبلغهم اللي قتلهم
وحوش مصر
مشردينه
هو واهله وعشيرته