سطر يا تاريخ واتسطر واكتب مصر بتتغير
-
يا مصر خليكي كدة صاحيه ومتناميش
لما بتنامي لا بقدر اموت ولا بعرف اعيش
ببقي زي عبيط في زفة
ببقي طفل جوة اللفة
ببقي تايه في الحكاية والحكاية ما تتحكيش
بتبقي زي بنت ليل كل شيء ليه مقابل
بتبقي بنت بابا حسني سايبه جسمك لليدفع
كنا لزق في ديل امريكا كنا حاجة اخر انتيكا
لاكان صوم نافع ولا كانت حتي صلاة بتشفع
كان فساد مالي البلاد بيدفع تمنه الجنود
يا مصر صاحية قومي بصي علي الحدود
سيناء بترتوي بدم جيشك
اوعي تبصي للقمة عيشك
لسه حق منسي واسلام اول شهيد دفعته
و لسه ابو الجندي بينام كل ليله بحرقته
تحيه للي ماتوا في سينا وطريق الواحات
تحيه للي عاشوا جوة القلوب بالممات
تحية لكل ظابط وعسكري وام واب
فا زاي يا مصر تنامي وانتي ام الأمهات
سطر يا تاريخ واتسطر
واكتب مصر بتتغير
والعالم اصبح بيشاهد
مصر وهي بتتحرر
بقلم ..الشاعر /إبراهيم خليفة