في اقتراح برغبة .. الصالحي: ”كفاية مساواة الظالم بالمظلوم في حوافز المعلمين

تقدم النائب الدكتور محمد الصالحي، عضو مجلس النواب، باقتراح برغبة عاجل إلى المستشار هشام بدوي، رئيس مجلس النواب، موجهاً إلى الدكتور وزير التربية والتعليم والتعليم الفني، لإنهاء حالة الظلم وعدم العدالة في صرف حوافز المعلمين.
وقال الصالحي: "مش معقول معلم شايل نصابه كامل وواقف طول اليوم في الفصل، يتساوى في الحافز مع معلم تاني بيشتغل نص النصاب بس.. دي مش عدالة، ده إحباط لكل مجتهد".
مقترح النسبة والتناسب.. كل واحد على قد شغله
وكشف الصالحي عن مقترحه الجديد، وهو تطبيق نظام *"النسبة والتناسب"*، بحيث يتم ربط الحافز بنصاب الحصص الفعلي:
- اللي يكمل نصابه 100% ياخد الحافز 100%
- اللي يشتغل 50% ياخد 50%
- واللي يشتغل أقل ياخد على قد شغله بالظبط
وقال: "الأجر على قدر العمل.. اللي يدي للمدرسة كل طاقته، الدولة تديله حقه كامل، واللي يشتغل نص طاقة ياخد نص حقه، وده قمة العدل".
*مفاجأة: الموجهين ومديري الإدارات داخل الحوافز*
وفي مفاجأة سارة للقيادات التعليمية، طالب الصالحي بإدخال مديري ووكلاء الإدارات التعليمية، ومديري المراحل، وموجهي المواد، في منظومة الحوافز، أسوة بمديري ووكلاء المدارس، لأنهم الجنود المجهولة اللي بيتابعوا خطط التطوير في الميدان.
وأضاف: "مينفعش المعلم ياخد حافز والموجه اللي بيتابعه وبيوجهه وبيتحاسب معاه مياخدش.. كلنا فريق واحد".
*الحافز مقابل الانضباط*
كما شدد الصالحي على ربط الحافز بالحضور الفعلي والانضباط والتقييم، وقال: "الحافز مش مرتب ثابت.. الحافز للي بيحضر ويلتزم وينجز.. مع مراعاة كاملة للحالات المرضية المزمنة والإجازات القانونية".
واختتم الصالحي اقتراحه بالتأكيد على أن الهدف هو منع الاحتقان الوظيفي داخل المدارس والإدارات، ورفع روح الفريق، ومعالجة أزمة العجز والزيادة في الأنصبة، وتحفيز الجميع على استكمال مهامهم.
وطالب بإحالة الاقتراح للجنة المختصة، وإحالته لوزير التعليم لإصدار قرار فوري ينظم الصرف بنظام النسبة والتناسب للمعلمين والموجهين والقيادات.

