أقطاي عبد الله: عموتة محترم ويدعم الفريق كله.. والشحات أقرب لاعب ليا
كشف أقطاي عبد الله، لاعب الفريق الأول لكرة القدم بالنادي الأهلي، عن تفاصيل علاقته بزميله حسين الشحات، مؤكدًا أنه كان من أكثر اللاعبين دعمًا له منذ انضمامه إلى القلعة الحمراء، وساعده على التأقلم سريعًا داخل الفريق.
وقال أقطاي عبد الله، في تصريحات تليفزيونية عبر قناة الأهلي: «حسين الشحات بيتكلم معايا على طول وبينكش فيا، أنا بحبه وهو إنسان عسل، بيتكلم معايا على طول وبيهزر، وبيقولي اتعامل عادي مفيش مشكلة، أنا عارف إنك هادي بطبيعتك ودي حاجة كويسة فيك، لكن أهم حاجة في الملعب تأدي وتعمل اللي عليك وسيب الباقي على ربنا، هو أقرب واحد ليا من يوم ما جيت»
وأضاف أقطاي عبد الله أن لاعبي الأهلي يدخلون جميع المباريات بهدف تحقيق الفوز، مؤكدًا أن الفريق يسعى لبداية قوية في بطولة الدوري الممتاز.
وأوضح: «طبعًا أنت عارف والناس كلها عارفة إن في الأهلي بننزل هدفنا الفوز، وإن شاء الله نسعد جمهور الأهلي والجهاز الفني في أول ماتش في الدوري ضد إنبي وتكون بداية موفقة».
وأشاد لاعب الأهلي بالجهاز الفني بقيادة حسين عموتة، مؤكدًا أن المدير الفني يحرص على دعمه والتحدث معه بشكل مستمر خلال التدريبات.
وقال: «كابتن حسين عموتة راجل محترم، بيتكلم معايا في التمرين على طول هو والكابتن هشام، كلهم ناس كويسين ومحترمين، بيدعموا الفريق كله، وربنا يكرمه ويكون موفق معانا».
وأكد أقطاي عبد الله أن طموحات لاعبي الأهلي تتوافق مع رغبات الجماهير، مشددًا على أن الفريق يسعى للمنافسة على جميع البطولات خلال الموسم الجديد.
واختتم تصريحاته: «إحساس الجمهور واصل للاعيبة، وحتى وإحنا قاعدين مع بعض دايمًا بنتكلم إننا لازم نكسب كل البطولات إن شاء الله، وهنكون على قلب رجل واحد، ومحدش هيبخل بنقطة عرق، اللي هيلعب زي اللي ملعبش، وبندعم كله وكله في ضهر بعضه، وربنا يكرمنا ونسعد جمهور الأهلي ومجلس الإدارة».