مجدى يعقوب في حواره مع محمد صلاح: قلت لوالدى هكون جراح وأنا عندى 7 سنين
أكد الدكتور مجدى يعقوب، أن وفاة عمته السبب في بداية مشواره في مجال الطب، وأنه أبلغ والده أنه هيكون جراحا وفى عمر الـ7 سنوات بعد وفاته عمته.
مجدي يعقوب: والدى السبب في مشوارى
وقال مجدى يعقوب خلال حواره مع محمد صلاح على قناة أون سبورت: "والدى السبب في مشوارى بعد وفاة عمتى .. قولت لوالدى هكون جراح، وأنا عندى 7 سنين".
وأضاف مجدى يعقوب: "قولتله أنا هشتغل جامد وهروح اشتغل معاه فمشيت هذا المشوار ولقيت انى ممكن أفيد الناس ، وبعدين شوفت الناس في أسوان وعملنا مركز كبير هنا .. وبدأنا نعمل العمليات هناك تخفيفا عليهم أنهم يروحوا القاهرة يتعالجوا.. وكنت بخاف أنى مكملش، وكنت بحب العلم جدا والأبحاث .. وحتى الآن أحاول اكتشاف حاجات جديدة أفيد الناس بيها، وأجريت 30 ألف عملية قلب حتى الآن.
وتابع: لو هبعت رسالة لنفسى أنى استمر في كل طريقى، وعدم السماع للناس المحبطة.. كنت دائما عاوز الناس تسبنى في حالى علشان أوصل لهدفى واكتشف حاجات جديدة تنقذ الناس".