عمر كمال لـ محمد فؤاد: أنت أستاذى وحبيبي وصوتك كان بياخدلى حقى من الدنيا
في رسالة حميمة نشرها على صفحته الشخصية على فيسبوك، وجه الفنان عمر كمال كلمات مؤثرة للفنان محمد فؤاد، كاشفاً عن قصة إعجاب استمرت لأكثر من ثلاثين عاماً.
وكتب عمر كمال في رسالته التي استهلها قائلاً: أنت أستاذي وحبيبي.. وأنا مش أنجح منك على اليوتيوب ولا أنجح منك في أي حتة".
وأضاف، "أنا مجيش أغنية جوه ألبوم من ألبوماتك.. أنت الوحيد اللى عارف أنا بحبك وبحترمك إزاي".
وتابع: "عندى 36 سنة.. منهم 30 سنة بحبك وبلف وراك حفلاتك في بلاد ربنا"، قائلا: "وكنت فعلا بروحلك عند الاستديو وبيتك وأنا سنى 14 سنة".
واستعاد ذكريات الانتظار لإصدارات فؤاد الجديدة قائلا: "كنت استنى لحد الفجر عند محلات الكاسيت استنى شريطك ينزل عشان اشترى نسخة شريطك الماستر اللى محفور عليه اسم شركة الإنتاج عشان أحس إنى ساهمت في نجاحك في كتر المبيعات".
واختتم رسالته معبراً عن الدور الكبير الذي لعبه صوت محمد فؤاد في حياته: "صوتك كان بياخدلى حقى من الدنيا.. كان بياخدلى حقى من اللى سابتنى.. وكان ونسى في خدمتى في الجيش.. وكان معايا في كل مراحل حياتى".