شيرين رضا: ”وبينا ميعاد” يدعم الأم المسئولة بعد الطلاق
ردت الفنانة شيرين رضا على تساؤلات الجمهور حول التشابه بين حياتها الواقعية وبين شخصية "نادية" التي تقدمها في مسلسل "وبينا ميعاد"، المعروض حاليا على قناة dmc، حيث تجسد دور امرأة مطلقة لديها 4 فتيات، فضلا عن تعليق الجمهور على اسم المسلسل وتشابهه مع كلمات أغنية "قصاد عيني" لطليقها ووالد ابنتها الفنان عمرو دياب.
أوضحت شيرين في لقاء عبر قناة sbc، أنه لا توجد علاقة بين هذا وذاك، بل يتم العمل على المسلسل منذ 3 سنوات، قائلة: "بقالنا 3 سنين بنحضر، فأنا معنديش فكرة عن أي حاجة بجد.. إحنا محصلش بينا خلاف عشان يبقي في تحدي على البنت، بالعكس كلنا عاوزين ننجح".
تابعت: "الطليق ده بيبقى آخر حاجة بتفكري فيها، أول حاجة بتفكري فيها هي مصلحة بناتك.. التحدي مش إنك تغيظيه وتقولي شوف أنا قدرت أعمل إيه من غيرك، التحدي إنك تطلعيهم أسوياء".
وبسؤالها عن الرسالة التي تقدمها للجمهور كفنانة من خلال دور "نادية" في المسلسل، ومدي التشابه بينهما، أجابت: "الست جامدة وتقدر تستحمل وتربي وتكبر وتعتمد على نفسها وتشتغل وتنجح في شغلها.. أنتي لما تحطي في دماغك إنك عاوزة تعملي حاجة هتعمليها.. هو ده الرسالة اللي أنا بقدمها كـ ست زي نادية".
"وبينا ميعاد" مسلسل درامي اجتماعي كوميدي، يستعرض تفاصيل الحياة ومشكلاتها وأزمات تربية الأبناء في الطبقة المتوسطة، من خلال البيوت وأماكن العمل والدراسة والمشاكل اليومية التي من الممكن مواجهتها بحلول عملية بسيطة.