.jpg)
ابنة أحمد بدير ترد على إعلامية كويتية تنمرت على والدها: زي القمر ومش هسمحلك
متابعة-عزة الشيخ
سخرت الإعلامية الكويتية مي العيدان من الفنان أحمد بدير مما جعل ابنته سارة تخرج عن صمتها وترد على ما سمته بالتنمر على والدها.
وكتبت سارة عبر حسابها الرسمي بموقع Facebook:"طيب انا صحيت من النوم انهارده لقيت مصر كلها بعتالى عن بوست استاذه مي العيدان (الإعلاميه!)...انا اسمع عن حضرتك طبعا واعرف انك شخص مشاكس يعشق التنمر وخصوصا التنمر على الفنانيين! ...
بس حابه اوضحلك كام حاجه كده :اولا: انا ابويا نجم كبير من نجوم الوطن العربى ومحدش هيسمحلك تتكلمى عليه نص كلمه واعتقد انك شوفتى ده كفايه فى هجوم الوطن العربى كله عليكى الي انا نفسي اتفاجأت بيه وبشكر كل الناس الي ردت غيبتنا !
ثانيا: لو الفنانين بالنسبه لك حياتهم مستباحه فأنا مش فنانه عشان تحطينى معاهم فى جمله مفيده(مع احترامي لكل الفنانيين طبعا) !
ثالثا :ابويا الي حضرتك بتغلطى فيه ده علمني ارفض التنمر بجميع اشكاله وحضرتك غلطتى فانا اكيد مش هسكت !
واخيرا انا ابويا زى القمر ورأيك بعد اذنك احتفظي بيه لنفسك بعد كده".
جدير بالذكر أن أخر أعمال الفنان أحمد بدير هو مسلسل "يا أنا يا جدو" الذي عرض في رمضان 2020.
مسلسل "يا أنا ياجدو" تدور أحداثه فى إطار كوميدى حول جد وحفيده الشاب والعلاقه بينهما التى تتراوح بين الحب والخلاف الدائم بين الطرفين، كما يتناول المسلسل صراع الأجيال ولكن بشكل ساخر جدآ .
مسلسل "يا أنا يا جدو" تأليف فتحى الجندى وإخراج دكتور عادل الاعصر وبطولة أحمد بدير وطارق صبرى وسارة سلامة وأحمد سلامة ومدحت تيخا ورنا سماحة وعبد الله مشرف ومحمد الصاوى ومنير مكرم وحسن عبد الفتاح وآخرين.
