وزير الشؤون الدينية التونسى من مسألة المساواة في الميراث..الرئيس لة كافة الصلاحيات لاقتراح ما يراة

عبد الفتاح مورو رئيس حركة النهضة والنائب الأول لرئيس البرلمان التونسى .. زواج التونسية بغير المسلم إختيار شخصي

الممثلة  التونسية منال عبد القوي توجه رسالة الى الباجي قايد السبسي وتقول: عفوا سيدي الرئيس عندي كليمتين بنقولهملك

تقرير جمال عصام الدين
قال وزير الشؤون الدينية بتونس ، أحمد عظوم في تعليقه على مبادرة رئيس الجمهورية للمساواة في الميراث بين الرجل والمرأة وإمكانية زواجها من غير المسلم، إن لرئيس الجمهورية كافة الصلاحيات الدستورية التي تخول له اقتراح ما يريد.
وأضاف أن الوزارة "ليست مؤهلة لإصدار أحكام شرعية أو فتاوى"، وفق تعبيره.

فيما أعتبر عبد الفتاح مورو نائب رئيس حركة النهضة والنائب الأول لرئيس البرلمان، خلال استضافته في برنامج ميدي شو، أن إلغاء المنشور الذي يمنع زواج التونسية من غير المسلم إلا بعد اشهار اسلامه، هو أمر يتعلق منذ البداية بإرادة الزوجة وحقها في الاختيار
وأضاف أن المرأة تعرف حكم الشرع في الزواج بغير المسلم، "ومن حقها أن تختار تجاوزه أو احترامه`` على حد تعبيره، قائلا "ذلك يندرج ضمن حرية الضمين التي نصصنا عليها في الدستور التونسي"
كما اعتبر أن قضية الميراث في المقابل "ليست قضية أفراد بل قانون عام" على حد تعبيره

فيما توجهت الممثلة منال عبد القوي برسالة الى الرئيس الباجي قايد السبسي مفادها أنها لا توافق موضوع المساواة في الارث بين الجنسين وكذلك زواج المسلمة من غير المسلم. وجاء في رسالة منال عبد القوي ما يلي:
"عفوا سيدي الرئيس عندي كليمتين بنقولهملك: القرارات الي أعلنت عليها اليوم تخصّ المرأة البورجوازيّة الي مشكلتها الإرث هي وخوها ولا انها تاخذ راجل مش مسلم.... وينهم القرارات لصالح المرا الزوّالية لي تجني في الطماطم والفلفل والعنب ب 5 و 7 الاف في النهار؟؟؟ وتتقلب بيها الكميونة الخردة لي هازتها مالفجورات بش تروّح في المغارب؟؟؟
وينهم القرارات للمنظّفة والمعينة المنزلية لي ياكلولها عرقها وجهدها وعمرها ويعتديوا عليها جسديا وجنسيا؟؟؟ وينهم القرارات للمرا لي عندها ولاد معاقين ولا مرضى وماعندهاش كرني بش تعالجهم؟؟؟ وينهم القرارات للمرا لي تخلص عالحضيرة وبنت المعمل لي ظهرها يتقسم وعينيها تتنقب ويديها تحلّف بش تخلص 300 دينار؟؟؟
وينهم القرارات للمرا العزوزة لي تاخو في شهرية شيخوخة 100 دينار؟؟؟ وينهم القرارات للمرا لي ما عرّستش لين كبرت ولا عرست ولوحوها ولادها ولا ما عندهاش ولاد ومنجمتش تلتحق بمركز مسنّين؟؟؟ وينهم القرارات للمرا الي تتعرّض كل صباح بكري للبراكاجات والتشليط ؟؟ وينهم القرارات للفنانات لي مرضوا وما لقاوش بش يعالجوا كيف منية الورتاني وسعيدة سراي وغيرهم..
قراراتك ما فرّحتنيش ياسر سيدي الرئيس خاطر ما تعنينيش كانك عالإرث عمري انا وخواتي لا حكينا ولا خممّنا حتى بش نتقارقوا ونتقاسموا رزق بابا مشا هو خلّي يا طرف ارض وزيتون؟؟؟ يرّاااه وحتى كان جا هاك النهار عمرنا ما بش نختلفوا ولا نتعاركوا على وسخ دار الدنيا هكّة مبروك القوي وبوه علي القوي رباونا...
وكانك عالقاوري خوذو انت وخيّ انا مرا مسلمة وما ناخذ كان مسلم كيفي كيفو اك الي ينجّموا صحابي الحداثيين يسميوني من برّه من برّه حداثية ومن داخل خوانجية ميسالش هذي قناعاتي نحبوا مسلم ويا ريت تونسي ويا ريت جربي زادة باهيشي هكّة؟؟؟؟؟؟؟ نطّقتني سيدي الرئيس وانت تاخذ في قراراتك في برجك العاجي اهبط للارياف وين الثلج يغطّي الاكواخ في الشتا والشمس تقتل الكبار في الصيف، وين الراجل يبدا قاعد يلعب في الكارطة في القهوة ومرتو تخدم وكي يجي كميون الغاز يبعث ولدو يقوللو برا قول لامك تجي تهز دبوزة القاز....
برّا اعمل دورة في شوارع تونس في الليل تو تشوف قداش من مرا تاكل مالزبلة وراقدة على كردونة زيد ثبّت تو تشوف قداش من بنيّة قاصر تخدم ولا تدور برضيع جاباتو بعد ما شدّها ولد حرام عدّاها عليها وهرب... عفوا سيدي الرئيس البرجواز ي........ زيد بربش في مشاكل المرا التونسية تو تلقا ما يندّب الوجه فبحيث يا ناري عتونس وبرّه".