الف شكر ... للشاعر/ إبراهيم خليفة
الف شكر لكل شدة
وكل حي مات بشدة
واي واحد كان معانا
ساب وباع وداس وعدي
بكرة افضل مين بيفضل
نفس حاله يدوم عليه
بعد الحزن بيجي حسن
وفرح كتير بتحلم بيه
بس الصبر وشوية عزيمة
حبة وقت ونية سليمة
عيش متين واوعي تلين
خليك جامد واقف ثابت
مهما النار تبعت براكين
الريح بتهب وناسك هربت
احزان بدب ودنياك خربت
اوجاع بتلب وحياتك اتقلبت
واجه قهرك وافرد ضهرك
امسك نفسك وعد العدة
واشكر زي كل شدة