”مين دي يا حلوة اللي تقدر تنافسك” .. للشاعر/إبراهيم خليفة
مين دي يا حلوة اللي تقدر تنافسك
هو انتي يا قمر مش شايفة نفسك
روحي بصي في المرايا يا جميلة
بس اوعي للمرايا يا سكر تعاكسك
لو علي القوام مفيش واحدة زيك
دة البنات بتحكي وتتحاكي بزيك
والرجالة يموتوا ويقولوا لك ازيك
انتي اللي البرفيوم بيغير من نفسك
مين دي اللي تتقارن بيكي وتنافسك
هما حلوين بالميك اب وانتي بنفسك
يا اللي عنيكي بتطفي لون البنفسج
رقة الدنيا اتكونت كلها في ملامحك
والله صلي علي النبي كل اللي لمحك
قوللي النظرة دي نظرتك ولا رمحك
صبتيني بيها وحررتي قلبي في حبسك