من فوق البرج .. بقلم /الشاعر إبراهيم خليفة

من فوق البرج
انا كاشف كل ملامح ارضك
من فوق البرج
شوفت الناس مسطورة بعرضك
في اشارة روكسي
بياع المناديل ابو دم تقيل
بنكتوا البايخة
واقف بيواسي شاب عليل
كل هدومه ماركة
انما قاعد علي كرسي قاعيد
ضحك له البياع
قاله خد حالي واديني حالك
نكتة هاقول هالك
مرضي خبيث وفقير وهذيل
كل اللي اخترته
انشف الدموع ببيع المناديل
من فوق البرج
شوفت المطرة ناس ماشين
علي قصر النيل
غلابة الكورنيش فيه عايشين
بحاول ابطل فرجة
يطلع مشهد يخطف لي العين
انا فعلا شوفت
ضحكة مصر في بساطتة ناسها
ظابط واقف بيهزر
مع ست كبيرة الشارع هو ونسها
وادي مصر بشعبها
تبقي قادرة تواجه العالم كله
بلدي مش حدود
بورقة وختم جوة الدرج
مصر لو تتشاف
لازم تتشاف من فوق البرج