ماجد البنانى يكتب عالم عيال عيال بين الفيلم المصري والأمريكي

النهارده انا عايز اتكلم على فيلم بحبه جدااا هو فيلم من الافلام العائلية اللى بيتكلم عن الارمل اللى عنده اورطة عيال ينفع يتجوز برضه من ارمله عندها دستة عيال . فيلم بيتكلم عن مشكلات زيادة الانجاب وشغل الارانب  كلكم عرفتو هتكلم على فيلم ايه هو فيلم  عالم عيال عيال للمؤلف يوسف عوف واللى مقلش انه مقتبسه عن فيلم امريكي اسمه 1976 اللى أنتج في عامYours, Mine and Our 1968اولادك..اولادى ...واولادنا (ترجمة انيس عبيد )بطولة لوسيال بال وهنرى فوندا  وهو عن قصة شخصية لفرنك وهيلين بيردزاى باسم قصة بيردزلي ... البيت الكامل.. وقصة هى ان فرنك ظابط بحرى وهيلين ممرضة فى مستشفى فى نفس القاعدة اللى بيشتغل فيها فرنك وهتتقابل مع فرنك اول مرة فى محل جوه القاعدة وبعدين لما اخد بنته للعلاج وفرنك هيكون عنده عشر عيال وهيلين عندها تمانية فى الاول لما هيعرفو سر بعض هيحاولو يبعدو ولكنهم هيفشلو فى البداية الاولاد مش هيرضو بالعلاقة دى ولكن فى النهاية هيجتمعو عندما يعلمو ان هيلين حامل
وتم اعادة القصة بنفس الاسم عام 2005 بطولة دينيس كويد ورينيه روسو وفيه نفس الفصة الاختلاف فقط ان الراجل فرانك عنده تمن عيال وهيلين عندها عشر عيال  ..نفس القصةالمهم ان يوسف عوف ادى القصة لرشدى اباظه فتحمس لها وعرضها على سميرة احمد فقررت انتاجها وجابت محمد عبد العزيز علشان يخرجه واللى بصراحه جاب كم من الكوميدينات فى الفيلم ده غير طبيعى  والقصة بختصار ان الأرملة الشابة سامية (سميرة احمد) اللى عندها ست عيال تتكعبل فى يوم واحد تلت مرات مع مهندس حلمى عبدالقادر(رشدى اباظه) اللى بيشتغل فى البترول وبرضه ارمل بس ده عنده تمن عيال ويطلع بالصدفة ان واحد من العاملين تحت رئاسته وهو المهندس ممدوح (سمير صبرى ) متجوز من نادية ( سهير رمزى )صديقة سامية المهم ان المهندس حلمى يحب سامية ويطلعو عين ابو اللى جابو ممدوح ونادية فى انهم يقعدو مع العيال فى اثناء سهراتهم وخروجاتهم لغاية يوم يقرر يعرض عليها الجواز وهنا يقررو الاتنين يعترفو  لبعض على  كم العيال  اللى عندهم وتبقى صدمه يقررو فيها ان مش هينفع القصة تكمل فيفترقو ويقرر ممدوح ونادية يرجعوهم لبعض فيعزمه على سهرة وتكون فى نفس الوقت سامية خارجه مع عريس جديد وهو صلاح ذوفقار فى نفس المطعم اللى اول ما تقوله ان عندها ست عيال يرتبك ويقولها هروح اضرب تليفون ويجرى على الجرسون جورج سيدهم ويدفع الحساب ويقوله هخلع ربنا ما يوريك ويسمع كده رشدى فيروح على تربيزتها ويقولها الدكتور اللى كان معاكى خلع فتعالى اوصلك ويقررو يتجوز ويقرر يعرف سامية على ولاده فى الحتته دى لقطه بموت فيها من الضحك وهى وهما داخلين يلاقى بوليس على باب بيتهم اتارى الدادة الجديده زينهم (خيرية احمد )اللى هربانه من احكام وكانت عايزه تستخبى عنده طلبت البوليس علشان يجى يقبض عليها ارحم من شقاوة عياله ويجى يوم الجواز والماذون يطلع ابراهيم سعفان اللى يسأل هو فين المعازيم فينده حلمى وسامية على اولادهم فيطلع ولادحلمى لابسين لبس فريق الاهلى بقيادة بنته نفين (جيهان سعد) واللى مفروض هى اكبر عياله وعمرها تلاتشر سنة وفى ثانوى (الحتته دى بذات فلتت اووى من المخرج ...المزه دى تلتاشر سنة  وكمان فى ثانوى يامفترى يالا المخرج عايز كده المهم يخرج ولاد سامية لابسين فريق الزمالك بقيادة ابنها اللى برضه فى ثانوى اسامه (محسن محى الدين ) ويتخانقو فيقول الماذون كنا كتبنا الكتاب فى الاستاد كان هيبقى اوسع ويروح داعى لهما بخلفة قد عدد الفريقين والاحتياطى ...ياساتر ده اول فرح احضره فى الدورى ..المهم العيال تتخانق مع بعض على غرفهم  ويعرف حلمى يحل المشكله ويالا هيدخل يبتدى ليلة الدخلة يدخل اصغر عيالها بيصرخ اه يا بطنى فيطلب حلمى الدكتور ويطلع سمير غانم فى الجزء ده انا بعتبره اجمل واظرف مشهد فى السينما المصرية ..وفيه الدكتور يجى بالكراكتر الكوميدى اللى اظهرت بيه السينما المصرية الدكتور  ولما يتفتح الباب ويشوف التلاتاشر عيل  يتصدم وبقهبقا عامل زى نفق شبرا اول ما حلمى يقوله اعذرنا يادكتور اصل احنا لسه متجوزين النهارده فيقوله متجوزين النهارده ومخلفين كل دول..امال بعد سنة هتعملو ايه فتقوله سامية لا يادكتور انت فاهم غلط دول مش ولادى انا وهو ..فيستغراب امال ايه فتقوله دول ولادنا احنا الاتنين فيتلخبط ..المهم حلمى يقوله خلاص مش مهم تعالى اكشف على العيان فيقوله عيان مين يا استاذ تقولى مخلف كل دول وعيان ..ده انا اللى عيان فيقوله مش انا ده واحد من العيال فيقوله اه طيب فين العيان فتقوله سامية ده سمير فيقولها انا سمير فتقوله مش انت سمير الصغير ابنى فيقولها وهو مين فى دول تقوله لا جوه ..فيقولها هو لسه فى جوه روحونى ..المهم يدخل يكشف وبعد ما يخلص حلمى بيقوله الفيزيته كام فيقوله والله يافندم فى الحالات العادية متعود اخد خمسه جنيه بس فى الحالة دى انا هدى لسيادتك خمسه جنيه فيتكسف حلمى فيقوله ياراجل انت صاحب عيال الله يكون فى عونك ..المهم الفيلم يوريك مشاكل العيال والمصاريف  ومشاكل المدارس بحب اووى المشهد بتاع القدير عبد المنعم ابراهيم وهو عامل دور ناظر ونازل بستفه فى سيف الله مختار وبعدين يدخل رشدى اباظة يمسكه ويقوله ياسطى انت ضربت الكلاكس ازاى فيقوله بييب بييب بييييييب فيقوله واحنا متفقين على ايه فيتردد ثانية ويقوله بييب بييب بييب فيقوله شفت فعبد المنعم ابراهيم يبقى مستغرب بييب بييب بييب ولا بييب بييب بيييييب ويبص على رشدى وهو بيحسبه مجنون فيقوله يا حضرة الناظر انا عندى اربعتاشر عيل فتيجى لعبد المنعم ابراهيم زغطه بصراحة كل اللى اشتغلو فى الفيلم ده كانو عمالقة حتى القدير توفيق الدقن واللى طلع فقط سواق تاكسى بيدعى على اللى بيخلفو كتير وسايبيين عيالهمالمهم العيال مش هتكون طايقه بعض لغاية يوم يشوف اسامه شوية عيال صيع بيعاكسو ويتحرشو بنفين فينزل فيهم ضرب بالكراتيه وتكون النتيجه ان العيال يتقربو من بعض المهم سامية تكتشف انها حامل فتخفى الخبر عن حلمي ويوريك الفيلم ان العيال اتبدل حالهم وبدؤ يساعدو سامية فى امور البيت وعن طريق لوحه رسمها ابنه حسام يعرف ان سامية حامل فيجرى على المستشفى وتنجب سامية توأم ويصبح عدد الأولاد ستاشر ويقع حلمي من طوله في المستشفى من هول الصدمة.فيلم مسخرة بصراحه ..تقول سميرة احمد عن رشدى فى الفيلم ده ان رشدى اباظه نموذج فريد للرجل الجنتلمان حيث كان متعود يبعت كل يوم صحبة ورد ليا طوال فترة التصوير ليس من باب الغزل أو البصبصة ولكن لأنه كان يقدر المرأة ويحترمها جدا .....عموما ممكن نتفرج على التلفزيونات بتاعة تلى مصر اللى كانت فى البيوت فى تلك الفترة والتليفون ابو قرص الاسود والابيض واتوبيسات السبعينات فيلم جميل اووى ...اتمنى يعجبكم