أشرف كابونجا بطل العالم .. عبر الفيسبوك ”كسرت رقمين في موسوعة جينيس.. بس للأسف ما حدش عبرنى”

كتب البطل العالمي أشرف محروس كابونجا بطل العالم عبر حسابه على موقع التواصل الإجتماعي فيسبوك غاضباً من عدم تقديره من المسؤولين ، رغم تحقيقه لعده بطولات و فوزه على أبطال العالم و كسره رقمين قياسيين فى موسوعه جينيس العالمية للارقام القياسية ، و أصبح رسمياً " أقوى رجل في العالم " ، و مع ذلك مهمشا من المسؤولين ، "محدش عبره " ، و يجد ذو المحتوى الهابط يتم تقديرهم و مكافأتهم على ما يقدمه من إسفاف ..

و كتب كابونجا على صفحة على موقع التواصل الإجتماعي فيسبوك...

كسرت رقمين قياسين في موسوعة جينيس العالمية

واصبحت اقوي رجل في العالم ???? كله

واسمي مكتوب وسط العمالقة الكون.. بس لاسف محدش عبرني

ولا راعي ولا حد مسؤل عبرني حتي ???? وايه كمان كاسر اربعه ارقام قياسية تانية بس موسوعة جينيس بتدرسهم لسه

ويجي اتنين بس بيرقصوا واحد بشعر والتاني بكرش ????

والدنيا تنقلب في مصر اعلام ومهرجانات ومطاعم وسياحة

ودعاية واعلانات وغيرها....

وللاسف الشديد انا بدمر حرفيا من اللي بيحصل ده

اسمع كده الموضوع ده ???? ????

نويل روبرتسون: الو ، ايوة يا جنكيز يا اخويا ، انت تلم شنطك حالا و تنزل علي مصر ، هتاكل في افخم المطاعم ببلاش عشان تعملهم دعاية وهيدفعولك مقابل محترم كمان ، و هتلف من القاهرة لاسوان مجانا و هيحتفلوا بيك في كل حتة تروحها و يتصوروا معاك و يستضيفوك في برامج بمقابل مادي محترم ، و ممكن يستعينوا بيك في فيلم جديد بيتصور ، بص من الاخر هتحقق كل احلامك يا جنكيز يا اخويا ومش بعيد وزارة السياحة تعملك حملة ترويجية ، اه مهو انا زيك بالظبط كدا ، كل انجازاتي في الحياة هي رقصتي ، ومع ذلك عايز اقولك أن احلي ايام قضيتها في حياتي كانت في مصر ، شعب لقطة اوي يا صاحبي ، دانتا كرشك دا هيولع الدنيا في مصر ، هيفرحوا بيه اوي ، دنا جننتهم بشعري يسطا .

جنكيز : تمام يا صديقي انا في طريقي لمصر ، ادعيلي بالتساهيل يمكن يستعينوا بيا في فيلم ولا مهرجان و البلية تلعب.

المفروض أعمل إيه طيب

أقوم ألبس و أرقص ولا اربي كرشي و لا أعمل نفسي تافهه و لا اطفش و اهاجر .... .