رامى جمال ينتهى من تسجيل ديو جديد مع المطرب أحمد سالم

انتهى الفنان ​رامى جمال من تسجيل ديو جديد مع أحمد سالم الشهير بالمطرب النقاش بالتعاون مع الملحن إيهاب عبد الواحد والشاعرة منة عدلى القيعى والموزع احمد طارق يحيى وسوف يطرحها قريبا على قناته الرسمية على اليوتويب وكافة المنصات الالكترونية والمحطات الفضائية

وكان قد حل المطربان رامى جمال ونداء شرارة مؤخرا ، ضيفين فى برنامج "سهرانين" تقديم النجم أمير كرارة، والمذاع على قناة ON، حيث بدأ رامى الحلقة بغناء أغنية "سقف" وسط تفاعل الجمهور الحاضر خلال الحلقة.

وكشف رامى جمال خلال الحلقة، كواليس تبنيه المطرب أحمد سالم الشهير بـ"المطرب النقاش" واتهامه بركوب التريند، وقال: "أنا حبيت صوت أحمد جدا، الناس اتهمتنى إنى عايز أركب التريند، رغم إنى شيرت الفيديو بتاعه قبل ما حد يشوفه، قلت لمراتى الصوت ده حرام لو معملتش ليه حاجة".

وأضاف: "أنا بسدد فى أحمد دين عليا.. فيه ناس دعمتنى فى بداياتى، أنا هشتغل معاه أغنيتين، وأحمد فيه شركات كتير عارضة عليه الإنتاج لكنه يثق بى".

وعن خوفه من فشل التجربة قال: "فى البداية سألت أحمد لو مانجحناش، هتعرف تشتغل شغلانتك تانى؟ وكان رده هرجع أشتغل عادي جدا".

وتابع: "أنا مش شركة إنتاج، بس بعتبر أحمد زى أخويا الصغير، وممكن أتحمل مصاريفه لغاية ما ينجح.. عشمى فى ربنا إنه يكسر الدنيا